مواهب مغموره من الصعيد : المصور حمدى العمده ابن قنا يبدع فى صور الفوتوغرافي
أنا حمدي منصور العمدة عندي 20 سنة من مواليد 2003 من محافظة قنا مركز قوص بدرس في كلية الزراعة جامعة جنوب الوادي
حكايتي مع التصوير بدأت ف سنة 2018 حبيت التصوير من بعد ما بدأت أتعلم اعمل ايديت ل صوري الشخصية وكانت تطلع حلوة نوعا ما ف ف مرة كنت علي النيل وكان في منظر حلو للغروب ف صورته والصورة كانت حلوة ف أنا حبيت الموضوع وبدأت أصور حجات تانيه زي الغيوم والورود وغيره وبدأت أطبق الايديت اللي تعلمته علي الصور اللي بصورها وكانت تعجبني جدا وتعجب أي حد بيشوفها بس كنت أواجه انتقاض كتير جداا من الناس اللي حواليا ل غرابة الفكرة بس وإنهم شايفين التصوير دا حاجه تافهة وكنت اسمع كلام كتير زي ركز ف دراستك وشيل الفكرة دي من دماغك وللأسف كنت متأثر جداا ب كلام الناس اللي حواليا وشلت التصوير من دماغي فتره كبيرة جداا تقريبا سنتين ونص كدا
لحد اخر سنة 2020 قررت ارجع تاني للتصوير ف كنت عايز اتعلم تصوير اكتر بحيث اطور نفسي اكتر ف بدأت ب اليوتيوب بدأت اتعلم من قنوات عربية بس المحتوي كان قليل جداا ف بدأت اتجه للقنوات الأجنبية بحيث اتعلم اكتر واكتر
وبالفعل كنت كل يوم اتعلم واطور نفسي
بس واجهة صعوبات ف إني انزل الصور علي السوشيال ميديا بحكم برده الوسط اللي عايش فيه وإن دي حاجه غريبه
ف كنت اصور بس مش انزل الصور بتاعتي ع السوشيال ميديا لحد سنة 2021 قررت أرمي كلام الناس ورا ضهري وانزل الصور اللي بصورها ف البداية مكنش في تفاعل خالص ع الصور كانوا أربعة او خمس أشخاص بس
الموضوع كان محبط جداا بس قولت طبيعي عشان الفكرة جديدة وبرده كنت بقول انا تصويري مش حلو كفاية عشان الناس تتفاعل علي صوري وف الفتره دي كنت بسمع كلام كتير من أهلي واصحابي كلام كان فيه سخريه وتريقه كتير عشان كنت بصور اي حاجه تيجي قدامي حرفياً
كنت بتضايق جداا من كلامهم
بس وعدت نفسي إني هخليهم يفتخروا بيا ف يوم من الأيام
ف بدأت اطور نفسي كل يوم واشتغل اكتر من 5 ساعات إيديت عشان اطلع صوره حلوه اقدر أنزلها
وبعد تعب كبير جداا الحمدلله بدأ يبقي في تفاعل علي الصور وبرده خليت اهلي واصحابي فخورين بيا
وكل يوم كنت بتعلم اكتر واجرب انواع تصوير مختلفه
وأثناء م انا بطور ف نفسي لقيت دعم كبير من اخويا الكبير البشمهندس محمد منصور وبنت عمتي الفوتوجرافر هناء فوزي
وبعض من اصحابي (محمود فتحي_محمد جعفر_محمد إسماعيل_عبدالله محمد_محمد عبد الحميد_محمد محمود_احمد صابر_محمد سعيد_عبدالله احمد) كنت مستمر ب دعمهم
* الصعوبات اللي واجهتها كانت النقض الغير مبرر بسبب غرابة الفكرة في الوسط اللي عايش فيه
حاليا انا تخطيت كل الصعوبات دي الحمدلله وصلت ل مستوي متقدم جدا وبرده لسه مستمر في تطوير نفسي اكتر
ومؤخرا بدأت اركز علي تصوير الاماكن الأثرية لتنشيط السياحة في مصر
* حلمي إني اكون من اشهر المصورين ف مصر والوطن العربي
