المطرب مصطفى شوقي يطرح جيبي بيوجعني بمناسبة عيد الحب
طرح المطرب مصطفى شوقي، أغنية "جيبى بيوجعنى" على"يوتيوب"، بمناسبة عيد الحب.
الأغنية مع الملحن بلال سرور والشاعر مصطفى حسن والموزع أماديو، وتسجيل ميكس وماستر هانى محروس.
كلمات الأغنية تقول
آه يا جيبي .. آه يا جيبي جيبي بيوجعني
جيبي بيوجعني شوفولي كاشير يقيسله النبض
جيبي بيوجعني ومش هيخف غير بالقبض
كان فنجري كان دفيع
بطل شرا بقى بيبيع
ألاقي فين جيب غيره يدلعني
جيبي بيوجعني
آه يا جيبي جيبي بيوجعني
ياعيني عليك آه يا جيبي
راحت فين أيام الصرف
بتمشي بفكة وكنت بتمشي بالكام ألف
راحت فلوسه لوسه لوسه
بس اتعلم من دروسه
توبة يا إفلاس
هاتولي إسعاف
ده أنا جيبي هيروح مني يا ناس
كان منفوخ .. كان مليان
بقى خاسس .. بقى هفتان
إمتى هيبقى كويس يعني
جيبي بيوجعني
آه يا جيبي جيبي بيوجعني
يشار إلى أنه في أكتوبر 2022، طرح الفنان مصطفى شوقي، أغنيته الجديدة التي تحمل اسم “غدارة” عبر القناة الرسمية على موقع الفيديوهات “يوتيوب”.
