خلى بالك
6:45pm 23/03/22
علم جمهورية مصر العربيه
هيثم مختار
خلى بالك
وأنت ماشى على رمل سينا
خلى بالك
كل شبر فيه حكايه
كل شبر فيه روايه
من جندى عبد الودود
للمنسى عريس وآيه
هتلاقى قصه صمود
والعدو كان عشايه
لما كنا على الحدود
أللى أستشهد بالبارود
وأللى أصيب بالشاظايا
دمنا ودم الجدود
غطى كل الزوايا
ورملها قال كفايه
وأفتكره بنظره فى المرايا
وأنت ماشى على رمل سينا
خلى بالك
الأرض دى مرويه بدمانا
ومدفون فيها آلاف الضحايا
ورملها يحكى مليون حكايه
خلى بالك
هتلاقى دم عمى وأبن خالك
ودم مينا من جيرانك
ودم أجدادنا من أمامك
كلنا بندافع علشانك
وأنت ماشى على رمل سينا
خلى بالك.
