لوسي تصالح نجوى فؤاد على الهواء: إنت إمبراطورة الاستعراض و بتحترمي الكل مقدرش ازعلك

روت الفنانة الكبيرة نجوى فؤاد كواليس سوء تفاهم حدث بينها وبين الفنانة الكبيرة لوسي، وأدى إلى توقف تواصلهما المعتاد لفتره 

وقالت نجوى فؤاد خلال استضافتها في برنامج "قعدة ستات" الذي تقدمه الإعلامية مروة صبري عبر قناة ألفا: "أنا ولوسي قريبين جدا من بعض، لكن حصل سوء تفاهم في موقف معين وانسحبت

وأضافت: "لما سمعت إنها تعبانة اشتريت شوية حلويات وروحت البيت عندها، والبواب قال إنهم في المستشفى، وحاولت أعرف اسم المستشفى، وفي الآخر مشيت ورجعت بعد شوية، ومساعدتها قالتلي إنها نايمة في البيت وده جرحني

وتابعت: "كان ممكن يقولوا إنهم في البيت ونايمين وأنا أرجع وقت تاني، ومن وقتها مفيش كلام بيني وبينها، لوسي ممثلة درجة أولى، وأنا كنت زعلانة و نسيت 

وكانت قد أثارت نجوى فؤاد جدلا واسعا بـ إهمالها من قبل الوسط الفني ونجومه، اذ قالت في تصريحات تليفزيونية: “جيلنا كان فيه تلاحم ، وكنا بنسأل على بعض، ولازم يوم الخميس كل فنان يعمل سهرة عشان نلتقي مع بعض، واي مناسبة لازم نتجمع، أما دولوقتي محدش بيسأل عليا غير المجتمع العادي، العائلات وجيراني، والجمهور”.

 وتابعت نجوى فؤاد حديثها، مستاء من الوسط الفني: "مبشوفش الفنانين غير وهما في العزا لابسين أسود وبيتصوروا، طب ماسألتوش عليه ليه وهو حي، مكلمتوش النقابة ليه تلحقه؟!".