ياسمين عز: فخوره بشرين الست ملهاش الا بيت جوزها والكرامة بتكون في الدرج بعد الزواج

تحدثت الإعلامية ياسمين عز عن عودة الفنانة شيرين عبد الوهاب لطليقها الفنان حسام حبيب.

وقالت ياسمين عز عبر برنامجها كلام الناس على قناة MBC مصر: "أنا فخورة بشيرين ومبسوطة بيها وقلبي منتعش من الفرحة بعد عودتها لحسام حبيب وأنا بثقف لها لأنها ست أصيلة وقولنا أن الست ملهاش إلا بيت جوزها".

وأضافت: "قولنا مفيش كرامة بعد الزواج ومفيش كرامة بين الزوج وزوجته ونجمة الدنيا شيرين طبقت كلامي وقالتله يا سي حسام واعتذرت لحسام حبيب أمام الوطن العربي كله".

وتابعت ياسمين عز: "شيرين طبقت كلامي بأن الكرامة تكون داخل الدرج بدليل قولها أحنا مش بنطفش أحنا بنعمر واعتذارها لصوتها العالي ولا كرامة بين الرجل ومراته وربنا يرضى على شيرين دنيا وآخره

وكانت النجمة شيرين عبد الوهاب قد أكدت في مداخلة هاتفية مساء أمس "الجمعة" مع الإعلامي عن عودتها لـ الفنان حسام حبيب مرة أخرى، موضحة: تم بمشيئة الله كتب كتابي على الفنان حسام حبيب، امبارح الساعة 9 بالليل في حضور أقرب المقربين، وعايزة أعتذر لـ حسام عن أي كلام صدر مني، وعايزة أقول للناس ادعولي لأني مقدرش أعيش من غير رضاكوا، وعايزة أطمنهم عليا إني في عصمة راجل طيب جدًا، ولو في يوم من الأيام طلعت قُلت كلام عنه علشان هو كان مزعلني ده شيطان وبيحصل لكل الناس، وإحنا كان معمول لنا حاجة واتفكت بسلام، والحاجات دي مذكورة في القرآن ومفيش حد فينا معصوم من الخطأ.

وتابعت: سيدنا محمد الناس اختلفت عليه مش كلهم اتفقوا عليه، وأنا حبي من الأول لـ حسام كان على المشاع، وأكيد لسة بحبه وأنا معرفش أحب بسهولة وأسيب بسهولة، وده حب حياتي، وأنا أوعد الناس إني في أمان علشان وسطكوا، ودايمًا الناس ضهر وحمى ليا، وحسام وعائلته ناس طيبين، وبوعد الناس كفاية أمور شخصية وأنا بقفل الصفحة دي، وبوعدهم بشغل جميل وأغاني حلوة، وأنا بعتذر لكل إنسان أنا زعلته في يوم من الأيام.