ستة اكتوبر ... للشاعر راضى على الطهطاوى

سته أكتوبر عيد الفرحة ** عيد امجادنا ونصر مبين
جاب للمصرى كرامته وهيبته ** عزة ومجد وفخر جبين
جيشك غنى رافع صوته ** الله أكبر لحن رنين
دمر كل خطوط لعدوك..... كانوا يقولوا سدود ما تلين
خلا العالم يحكى ويعرف ** إن المصرى حقيقى دا مين
سته أكتوبر عيد الفرحة ** عيد امجادنا و نصر مبين
....
سته أكتوبر عيد الفرحة ** شد لشمسك أحلى نهار
ابنك ضحى بروحه عشانك ** جدد حلم معانا انهار
قال دا النكسة مجرد غيمة.....عزم إرادة وخدلك تار
جيش من اول فجر تاريخه....اسال هكسوس ويا تتار
خلّا عدوك ياخد عبرة ** قال دا المصرى ما يقبل عار
ستة أكتوبر عيد الفرحة...شد لشمسك احلى نهار
....
سته أكتوبر عيد الفرحة ** جابلك تاج وقمر وبدور
قالك غنوة تعيش لولادك ** جابلك سينا وجبل الطور
جات تغزلك توب أعلامك ** دم شهيدك مسك عطور
أطهر جند الأرض معاكى ** بحر وجو حيتان و نسور
قالوا ترابك ويا حدودك ...... تبقى لأى عدو قبور
ستة أكتوبر عيد الفرحة....جابلك احلى هدية عبور
...،.
٠