حصري لبوابة الخبر الفوري..د/يوسف راتب يبدع في الرسم ببرنامج الجرافيكس

التقي فريق عمل بوابة الخبر الفوري بموهبه كبيره في صعيد مصر تستحق الاهتمام وقمنا بطرح بعض الاسئله عليه وقلنا له
 ما أسمك ؟
اسمي يوسف راتب 
ما سنك ؟
 سني  24 عام 
من أين ؟
محافظة قنا مركز فرشوط
وحدثنا وقال لنا 
في ناس كتير بتسألني انت رسمك حلووو ازاي كده
الرسم مش مجرد موهبه عند حد لكونه انه بيحب الرسم لا!! انما بتبقي محتاجه شوية خيال وابداع واهم حاجه الصبر طبعا.
و في كتير بيسأل انت بترسم ازاي وكيف؟
 انا برسم ببرامج جرافيكس وطبعا ده بياخد وقت جدا وبتبقي محتاج تركيز قوي وخيال كمان..  وبعد كده بقدر اطبع اللي رسمته علي بورتريه والصوره بتبقي طبيعيه جدا.
وفي البدايه بدأت ارسم عادي بس النتيجة بالنسبالي مش كانت مرضي زي اللي في الصور اللي انتوا شايفينها حاليا.. علشان كده كان لازم اطور من نفسي بسرعه وكل يوم اتعلم جديد مش لمجرد اني بعرف ارسم يبقي خلاص.. لا الكمال لله وحده. انما احناا دايما بنسعي للكمال انما مش هنوصل للكمال.
-اشتغلت علي نفسي كتير من غير ما اخد رأي حد ومن غير ما انزل اي رسومات الا بعد ما ابقي بروفيشنال وده اخد شهور معايا (علشان مش يبقي في شوية احباط من حد وابقي واثق من نفسي واقدر اكمل)⁦.
اشتغلت علي نفسي كتير وحاولت ادرس فنون الرسم عن طريق برامج الجرافيكس علشان اقدر اطلع حاجه كويسه بروفيشنال جدا تبقي طبيعيه جدا علي ارض الواقع.
اتعلمت من فنانين كبار من جميع انحاء العالم زي الهند والمانيا علي المنصات التعليميه الخاصه بيهم بيبقي في منها المدفوع و في منها المجاني.
- طاتقنت لمسات الجمال اللي لازم تبقي في الصوره علشان يبقي للصوره تفاصيل زي الاصل.
طبعا مازلت بتعلم وهفضل اتعلم .
وفي نهاية هذا التقرير احب اشكر جريدة الخبر الفوري لاهتمامها بالمواهب في جميع أنحاء الجمهورية وبحب اشكر حضراتكم.
٠