منوعات
كيك الفانيليا بمكونات إقتصادية
حجم الخط:
المكونات:
٣بيضات بدرجه حراره الغرفه
معلقه صغيره فانيليا
كوب و ربع سكر
كوب إلا ربع خليط سمنه على زيت
كوب إلا ربع لبن
٢ كوب دقيق منخول و عليه رشه ملح و معلقه كبيره بيكنج بودر
الطريقه:
في بوله نضيف البيض و الفانيليا و السكر و نضربهم كويس قوى لحد ما يبقي لونها فاتح
وبعدين نضيف الزيت و نكمل ضرب
و بعدين نضيف اللبن و نكمل ضرب
ننزل بالدقيق بالتدريج مع التقليب في اتجاه واحد لحد ما يختفي الدقيق
في صينيه ( مقاس ٢٥ ) مدهونه سمنه او زبده ننزل عليها بالخليط
ندخلها الفرن ساخن قبلها ب ١٠ دقائق على درجه حراره ١٨٠ بتاخد حوالى ٤٠ ل ٤٥ دقيقه و نختبرها بعود خشبى من منتصف الصينيه عشان نتأكد انها استوت
اذا لسه نيه من المنتصف نهدى عليها الفرن و نسبها حوالى دقيقتين و نطفي عليها
ملحوظه:
المعيار كله بنفس الكوب وبالهنا والشفا
