السلام والمسرَّة : للشاعر راضى على الطهطاوى

الله محبة صوتها عالي ...... وعلى الأرض السلام 
بالمحبة النور يلالي ....... وتمحي م الدنيا الآلام 
لو مسلم أو مسيحي ...........مصر الحب وأمان
ريحك يا اخوي في ريحي.. .. أخوات طول الزمان
قران معاه إنجيل ...... واسأل عن موسى النيل 
هيقولوا الله محبة............ في البَدء وفي الختام
..
انا وانت القلب صافي..............قلب المؤمن مسامح
أوصافك دي أوصافي ............نفس الشكل وملامح 
واسأل كل الجدود ...... ....... وجنود حارسة الحدود 
مين غير محمود وحنا؟!............ صانوا لمصر الزمام
..........
مع بعض البيت والغيط ........ شركة ف زرع ومكن
جامع وكنيسة ف حيط.............. مصر الأم وسكن
بالخير يجمعنا فرْح ....... ولا سيبنا بعض ف جرْح
وابونا في الكنيسة ........... يحضن شيخنا الإمام
..
الله محبة صوتها عالي ......... وعلى الأرض السلام 
بالمحبة النور يلالي ............وتمحي م الدنيا الآلام
ابويا قالي عمك .............. جرجس دا أغلى جار
دا دمه زي دمك ......... ...... لو جرحك عاز غيار
واللهِ الخب باين ............. واللى مكدب يعاين 
واللي يحسد بلدنا ................ قلبه مليان ضلام 
..
لو موج أو غيم يفوت ........ نعدل بالحب الميلة
بالعيش والملح وقوت ........ نفطر مع بعض عيلة
ربك لبلادنا حارس .........ف الجيش وف المدارس
لو حنا قال افندم.... .............محمود يدِّي التمام
...
في الكوكب والمجرَّة ............ من طين احنا ومياه
ما هو بالناس المسرَّة ........ ....... تحلا بحب الحياة 
أسال أجراس ومدنة ..........دا صليب وهلال في إيدنا والقعدة الحلوة ديَّه ..................... قالت كل الكلام
الله محبة صوتها عالي .......... وعلى الأرض السلام 
بالمحبة النور يلالي ...............وتمحي م الدنيا الآلام
..