سينا بقلم الشاعر : راضى الطهطاوى

أنت عارف يعنى سينا .....تبقى إيه بالنسبة لينا؟ّ!
يعنى درة ف تاج بلادى ....حتة جوا القلب فينا
لو هنحكى عن تاريخها .....أغلى توب أمجاد كاسينا
أرض متقدس ترابها........عطرها الفايح بنيـــنا
من جبال الطور تجلى .....نور إلهى بيحتوينا
أوعيون موسى الشهية.........نبع متجدد راوينا
مريم العذراء دى خطت......فوق ترابها المرمرينا
كل حبة رمل تشهد.........جاية من أعماق وادينا
لحظة عن أحضانا غابت......خدها غاصب بيعادينا
هب جيشنا بكل عزم.........ألف موت لو بينادينا
راح نجيب النصر فوراً....والعبور صار عيد وزينا
جيش بلدنا من ولادنا.......وأنت مين يا ابن الذين؟!
ألف ميت تعظيم سلام.......للى فوق جبهة حامينا
أو شهيد بالعمر ضحَّى........لجل تحيا لمصر سينا
لجل تحيا لمصر سينا