وصفة الفراعنه لتقديم فته اللحمة المصرية
الفتة أصلها مصري ( فرعوني ) وهي أول أكله دينية مقدسة في التاريخ، الفتة مش مجرد أكله وخلاص ولكنها مرتبطة بعيد مصر الديني والقومي، مرتبطة بالوطن وأمنه القومي، عشان
-1 الفته بنطبخها من العيش / الخبز اللي اعتبرناه جسم الاله أوزير قمحنا اللي قام ووقف الوقفة الكبيرة قبل يوم العيد الكبير
- يوم الوقفة ( وقفة الاله أوزير/ أوزوريس على رجله واللي بتمثل وقفة القمح للحصاد ) كان العيد الحقيقي لأن القمح لو موقفش بشكل مرضي يبقى العيد مالوش أي معنى ملموس[ هنفرح ليه ]
- وعلى قدر الوقفة الكبير ف العيد بيكون كبير ، والعيد هو شم النسيم
-2 الفتة كنا بنطبخها من القمح نفسه ) البرغل الخشن ( اللي استبدلناه مؤخرا بالرز.
-3 الميه اللي بنطبخ بيها وبتعمل لنا شوربة، هي ميه نهر النيل المقدسة جسم ربه المقدس الاله أوزير/ عزيز، اللي سميناه على اسمه نور / نير / نيل ( حروف و/ ي تبادلية، وحروف ر ، ل ) والنور هو نور شمسه( لأننا تصورنا بعد موته انه صعد للسما واتحد مع الشمس وأصبح هو ذاته شمس ،، اتحد مع الشمس ليظل الاله الأعظم اللي هو الشمس ،، يظل الاله الواحد.
-4 لحم الخروف قدسنا دبحة على العيد الكبير باعتباره هو كمان جسم ولحم الاله أوزير ( لحم أوزي )
وعليه كنا بندبح الخروف ( الكبش ) على العيد الكبير ، رمز فداء الاله لابنه حورس حارس مصر المحروسة ( اللي بيمثله ملك مصر > فرعونها المجيد ) ، حرمت الديانة المصرية الفرعونية قتل / دبح البشر من أكتر من 7000 سنة، زي ما الشيطان الاله ست قتل أخوه الاله أوزير، واستبدلناه بدبح الخروف، وعشان كده سميناه بالمصري ( الفرعوني ) كبش فدا.
