حين يسقط الضوء على الحقيقه المتأخره

حين يسقط الضوء على الحقيقه المتأخره يكتشف الانسان ان العمر اللي فات منه ماكانش عبور عابر لكنه كان رحلة مليانه محطات كانت بتعلمه من غير ما يفهم ومواقف كانت بتشكل قلبه من غير ما يحس ولحظات كانت بتقلب كيانه من غير ما يقدر يوقفها كان فاكر انه بيختار لكن الحقيقة ان ربنا كان بيختار له وكان فاكر انه قادر يكمل بنفس القوة لكن اتضح ان القوة ساعات مش في الاستمرار 

لكن في التوقف مش في التمسك لكن في الإفلات مش في الصبر اللي بيكسر الروح لكن في الفهم اللي بينقذها حين يسقط الضوء على الحقيقة المتأخرة يفهم الإنسان انه طول الوقت كان شايف غلط كان مكبر ناس ما تستاهلش ومهون من نفسه وهو أغلى منهم كان محمل قلبه فوق طاقته بحجة الحب وبيدي أكتر ما بياخد بحجة الإخلاص وبيتسامح بحجة المحافظة على الناس وهو مش 

واخد باله انه بيفقد نفسه واحدة واحدة بيسكت على وجعه وبيعتبره قدر وبيسند اللي حواليه وهو اللي محتاج حد يسنده لكن مابيتكلمش وبيخبي وبيخاف يزعل حد حتى لو هو نفسه بيتكسر

حين يسقط الضوء على الحقيقه المتأخره يعرف الإنسان إن مش كل شخص حبه كان يستحق وإن مش كل علاقة استمرت كان لازم تستمر وإن في قلوب مهما اديتها تفضل جاحده وفي نفوس مهما 

طيبت معاها تفضل مؤذيه وإن في ناس وجودها كان ابتلاء مش نعمه وخروجها كان نجاة مش خسارة وإن ربنا ساعات بينقذنا من حاجات احنا كنا بنجري عليها حين يسقط الضوء على الحقيقة المتأخرة يتأكد الإنسان إن الصمت اللي كان فاكره حكمة كان أحيانا ضعف وإن التضحية اللي كان فاكرها كرم كانت استنزاف وإن الصبر اللي كان شايفه باب للستر كان بوابة للوجع وإن البسمة اللي كان 

بيضحكها قدام الناس كانت مجرد قناع يخبي بيه إن قلبه بقى مليان ندوب محدش يعرف عنها حاجة وإن اللي اتكسر جواه مش سهل يتصلح لان الكسر كان نتيجة ثقة مش نتيجة خلاف حين يسقط الضوء على الحقيقة المتأخرة يفهم الإنسان إن مفيش حد يستحق إنك تطفئ روحك علشانه وإن اللي يتعود عليك وانت موجوع مش هيقدر وجودك وانت بخير وإن اللي يسأل في 

التليفون وهو قادر ييجي مش بيطمن عليك لكنه بيطمن ضميره وإن الوعود اللي بتتكرر من غير فعل بتبقى مجرد كلام يهدي اللحظة ويدمر العمر وإن اللي يسيبك تعيش بنص حضور عمره ما هيفهم وجعك ولا هشاشة قلبك حين يسقط الضوء على الحقيقة المتأخرة يعرف الإنسان إنه عاش فترات كان فيها جسد بلا روح وروح بلا سند وقلب بيتحمل فوق ما ممكن بشر يستحمل لكنه مع 

ذلك ماوقعش وده معناه إن ربنا كان شايله وإن الدموع اللي نزلت في السر كانت مكتوبه عند رب رحيم لا بيظلم ولا بينسى وحين يسقط الضوء على الحقيقة المتأخرة يدرك الإنسان إن اللي جاي أحن من اللي فات وإن ربنا ما بيكشفش حقيقة حد قدامنا إلا لما يكون بيحمينا منه وإن الخسارة اللي بتوجع أولها بترحم آخرها وإن نهاية أي وجع بداية نور حتى لو جاي متأخر وإن القلب اللي اتظلم أكتر هو القلب اللي ربنا هيعوضه أكتر