الرئيس السيسى: هنقدر نتجاوز أى تحدٍ بفضل الله وبتماسك الشعب المصرى
قال الرئيس عبد الفتاح السيسى: عاوز اشكركم أنه خلال عملية الانتقاء والاختيار.. ومش بنقول كلام أننا قاعدين مع بعض.. اللى احنا فيه أفضل اللى موجود من كل التخصصا.. ده الأفضل.. وده معناه أن الأسر والأهالى قاموا بجهد كبير ورعاية كبيرة وأشكركم على هذا الأمر.
وأضاف الرئيس السيسى خلال لقائه مع أعضاء هيئة التدريس بالأكاديمية العسكرية المصرية والطلبة المستجدين وأسرهم وعدد من دارسى الدورات المدنية بمناسبة ذكرى العاشر من رمضان هقول كلمة واحدة مهمة اوى.. بحس أن المصريين قلقانين وده أمر جيد لأن الأحداث اللى جنب مننا تدعو للقلق.. طالما الشعب المصرى متماسك وعلى قلب رجل واحد.. أى تحدى بفضل الله هنقدر نتجاوزه وزى ما انتوا شايفين العالم مش بس المنطقة بتدور فيها أحداث متسارعة ومتناقضة أحيانا.. الحفاظ على الدولة المصرية ومقدراتها شغلنا الشاغل.
تابع الرئيس السيسى:تعاملنا مع كل القضايا والتحديات بحسابات دقيقة جدا وبتريث وصبر كبير جدا.. عزائى الوحيد إن شعب مصر ودى مش مجاملة والله.. هو اللى مخلي الأمور رغم قساوتها وظروفها الصعبة نقدر نجابهها.. بيكم أنتم المصريين وقبلنا الله سبحانه وتعالى اللى مطلع علينا وشايف بندير الأمور إزاى.. بنسعى للتهدئة وإيقاف إطلاق النار ومنع المنازعات وعمل كل ما يمكن لتهدئة وإيقاف الصراعات والاقتتال والحروب.
