نقد لاذع يطال الفنانة إيمان أيوب : شبه زكيه زكريا

فاجأت الفنانة إيمان أيوب جمهورها بإطلالة جديدة لها، لفتت الأنظار إليها خلال استضافتها في برنامج “قعدة ستات”، الذي تقدمه مروة صبرى، وظهرت إيمان أيوب في الحلقة بملامح مغايرة لملامحها الطبيعية التي تعود الجمهور عليها؛ إثر إجرائها عملية تجميل

ومن أبرز التعليقات

.

بقت شبه زكية زكريا بالظبط اقسم بالله حرام بجد تدمير خلقة ربنا”.

“ما لازم تتخان ببقها ال عامل زي مغرفه الشوربه ده ايه المنظر ده وفين عينها وايه النفخ ده كله ده خي اصلا قصيره ووشها صغير من ايام مكانت طالعه ف عيش ايامك”.

وفي بيان صحفي، أكدت إيمان أن هذه الانتقادات أثرت عليها نفسيًا بشكل كبير، قائلة: “بينتقدوا شكلي وبيقولولي عاملة عمليات في وشي، مع إن الحقيقة إن الميكب هو اللي كان مطلعني كده. أنا عاملة فيلر بس، وده شيء عادي وكل الناس بتعمله، لكن وشي طبيعي من غير ميكب أو فلتر.

وأوضحت الفنانة أنها لم تخضع لأي عمليات تجميل، داعية الجمهور للتحقق بأنفسهم، حيث قالت: “شوفوا وشي بنفسكم، مش هتلاقوا أي أثر لعمليات تجميل، وأرجو إن الناس ترحمني من الافتراضات والتنمر.”

وأضافت إيمان: “للأسف، الهجوم وصل للدعاء عليا بالموت وشتايم عنيفة. في ناس قالولي (يارب تموتي) وكلام جارح زي (منك لله) وغيرها. الله يسامحهم، بس بجد الكلام ده بيوجع، وأنا مأذتش حد في حاجة.”

واختتمت بيانها بتوجيه رسالة قوية إلى منتقديها: “أرحموني من التنمر والتطاول. الكلمة سيف وسلاح، وأنا مش فاهمة ليه الناس مستبيحة إنها تجرح وتؤذي بالكلام. ربنا يسامح كل اللي قال كلام جارح، لكن حقيقي ده حرام عليكم.”