عطار يطرح ڨيديو كليب بطير فى الهوا عبر يوتيوب
طرح المطرب الشاب عطار، فيديو كليب أغنيته الجديدة، "بطير فى الهوا"، عبر موقع الڨيديوهات الشهير "يوتيوب" ، والمنصات الموسيقية الرقمية، ومحطات الراديو.. تناول عطار فى تصوير هذه الأغنية، فكرة كوميدية، من خلال لاعب كرة سلة يتعرض لعدد من المواقف الطريفة أثناء مشاركته فى إحدى المباريات.. وقدم عطار أسلوبه الغنائى الخاص، الذى ينال دائما إعجاب جمهوره، وشارك معه فى التصوير، فرقة استعراضية تحت قيادة مصممة الرقص المعروفة كارينا.
قام عطار منذ أيام بتشويق متابعيه عبر حساباته الخاصة علي مواقع السوشيال ميديا، وقام بنشر مقاطع فيديو من الأغنية، ولاقى الفيديو تفاعلا كبيرا من المتابعين.
الأغنية كلمات مصطفى حدوتة، ألحان عطار، توزيع موسيقى كلوبيكس، إخراج إسلام هشام، وإنتاج شركة "مزيكا" للمنتج محمد جابر.
وإليكم كلمات أغنية " بطير في الهوا" :
"بمشي دوغري ممشيش بطال
نجمي عالي انا مش بطال
انا الصالح في عالم ضال
لو شيلت منكو مش هصفي
مش مشنقه ده حبل الافكار
بيني وبينكو فرق الأسعار
في كل حته هتلاقو عطار
هو اللي بيعمل الوصفه
بطير في الهوا فوق
انت ولا الهوا فوق
ده كلام ف الهوا ماليش الهوا مش نافعين سوا
جاي تحدف بلا اه
بس جتك اوا ياه
مش بالفهلوا لو ليك الهوا يا ۲۰۰۰ هلا
جاي ف حب مبجيش ف خصام
ليا ضهر ف ماليش اخصام
لو هنحسبها بالارقام
انا هبقي اكيد رقم واحد
مش ملعبي وبطلع كسبان
ف المواقف الناس بتبان
بقيت سيرتي ع كل لسان
وكل قال ان انا جامد
بطير في الهوا فوق
انت ولا الهوا فوق
ده كلام ف الهوا ماليش الهوا مش نافعين سوا
جاي تحدف بلا اه
بس جتك اوا ياه
مش بالفهلوا لو ليك الهو يا ۲۰۰۰ هلا
بطير في الهوا
انت ولا الهوا
مش علي المزاج
دول مش علي الكيف
دمي حر انا كلمتي سيف
اوضه وصاله وانا جاي فيها ضيف
انا معنديش حاجه اخسرها
ليا حق مايروحش بلاش
فاكر اللي ليا مبنساش
عنيكو علي حاجبي متعلاش
لو عنيكو عليت هكسرها
بطير في الهوا فوق
انت ولا الهوا فوق
ده كلام ف الهوا ماليش الهوا مش نافعين سوا
جاي تحدف بلا اه
بس جتك اوا ياه
مش بالفهلوا لو ليك الهو يا ۲۰۰۰ هلا
بطير في الهوا فوق".
والجدير بالذكر أن هذه هى المرة الثانية التى يلتقى فيها عطار، مع المخرج إسلام هشام، وكانت المرة الأولى من خلال فيديو كليب "انا جيت" - "انا جيت اكحلها عميت"- وهى الخطوة الناجحة التى بدأها فى فبراير العام الماضى، مع شركة " مزيكا " وحقق من خلالها نجاحًا، كبيرًا، على السوشيال ميديا، ونالت العديد من التعليقــات والاشادات من الكثيرين، وتخطت حاجز الــ 12 ملايين مشاهدة عبر موقع الڨيديوهات الشهير" يوتيوب".
