مي كساب: أقنعت شيماء سيف بعملية تكميم المعدة

قالت الفنانة مي كساب إنها استطاعت إقناع الفنانة شيماء سيف للخضوع لعملية تكميم معدة.وأوضحت كساب، في لقاء إذاعي لها، أنها لاحظت معاناة شيماء سيف مع السمنة خلال التصوير، قائلة: لما روحت ليها في المسلسل ألف حمدا لله على السلامة ضيفة شرف، وإحنا بنعمل أحد المشاهد، شفتها مش مرتاحة قلت لها مالك قالت لي رجلي تعباني، ووصلت لوزن أكتر من لما كنا بنصور مسلسل أحلام سعيدة.

وأضافت:"قرار عملية تكميم المعدة لم يكن سهلًا عليّ، وحينما رأيت نتائجه أقنعت شيماء سيف، معقبة: أنا كنت خايفة من العملية جدًا والموضوع ده مكانش سهل بالنسبة لي أني آخد قرار كبير زي ده، ولما أخدته وشفت العواقب بتاعته وأني ما حصليش حاجة وأني مرتاحة أقنعت شيماء سيف.

وتابعت:" فيه آثار جانبية للعملية، ولكن بالنسبة للآثار الجانبية بتاعة السمنة ولا حاجة، الشعر بيقع ماشي والجسم بيحتاج شوية فيتامين.

وأشارت: قلت لها ما تخافيش وأنا هفضل معاكي، وحكيت لها كما حدث معي وقت العملية والعملية مفيهاش خطورة ولا حاجة، ورشحت لها نفس الدكتور وقلت لها لازم تعملي كده علشان صحتك.

واستطردت: شيماء سيف كوميديانة من طراز خاص يعني خفة الدم موجودة، وسواء هي تخينة أو رفيعة هي بتضحك.