رحاب ابراهيم تكتب :- من خواطر راقت لى

فيه فتره  فى حياتك هتمر بيها هتربيك حرفيا ، 
هتخليك تكبر سنين لقدام ، 

هتعلمك أن مش كل الناس أصحاب وحبايب وولاد اصول ومتربيين ، 
ومش اللي هيأكل معاك ف طبق هيصونه ، 
ومش كل اللي يقولك كلمه حلوه يبقى حبيبك 

وساعات بتبقى شايف وعارف وفاهم كويس بس ملكش نفس تعاتب ، 
ممكن مكبر دماغك ،
وممكن قرفان تعاتب 

دي فتره هتمر بيها وتطلع منها واحد تاني غيرك واحد أنضج وأقوى وقادر يكمل لوحده ، 

ومع الوقت هنعرف إن الناس اللى فقدتهم ماكانتش غاليه علينا ولا حاجة
إحنا بس اللى كنا بنبالغ فى تقدير قيمتهم عندنا وحاطينهم في مكانة أكبر من ما يستحقوا

فإذا دخلتم القلوب فأحسنوا سُكناها ، فإن خرابها ليس بهين .....

واذا اعطيتم الثقة فحافظوا عليها .....
فأن الصدق بعد الكذب يحتاج الف شاهد وان كان يُجدي   .