الموت بالفسيخ بقلم : احمد سالم

كل شم نسيم ياتى على الواحد منا ومنذ نصف قرن نقرا فى المجلات والجرائد هذه العبارة وهى ان عادة تناول الفسيخ فى شم النسيم قد تصيبك بالشلل التام او الوفاة مع ذلك الناس بتاكل فسيخ وفى كل شم نسيم تطلع لنا وزارة الصحة مثل الفاسوخة لتعلن وبحسم ان تناول الفسيخ هو خطر داهم حقيقى على الصحة وتنتج عنة حالات تسمم صعبة الشفاء ومع ذلك الناس بتاكل فسيخ 
وان مشكلة الفسيخ تاتى من طريقة تحضيره غير الامنة صحيا لقلة كميات الملح به ومع ذلك الناس بتاكل .. فسيخ

طب ياعم الدكتور يا سيد فرسان محاربة الفساد الفسيخى المعفن المنتن لما حضراتكو شايفين ان الحكاية كلها عفانة ونتانة وضمير تجار خربانة والاكيلة تنحة وطفسة وبتحب النتانة ومش فارق معاها الموت من الحياة والسنين بتمر وبتثبت ذلك واهوالموت من الاكل
خير من الموت جوعا ما تعملوا حاجة غير التصريحات الوزارية المعادة المكررة وتسالونى حاجة زى ايه مثلا .. مثلا مش احنايا حكومه محاربة النتانة الغذائية عندنا حاجة كده عملها عبد الناصر من 70 سنة اسمها بحيرة ناصر .. توحش فيها السمك وفجر وفجره وصل انه بيسد فتحات السد العالى من كثرتة وشدة انحشاره ومش لاقى حد يصطاده وبيقول ياعالم انا اهو حد يصطادنى ويقطعنى ويطفحنى للشعب المفسوخ من الضماير الفسيخية النتنة
ومثلا مثلا مش احنا يادكاترة عندنا من الشمال ايضا البحر المتوسط لا ومش احنا كمان عندنا من الشرق البحر الأحمر لا واللى زاد وغطى عندنا نهر النيل ياحلاوة والسمك مقلى كل وبرق لى طعمه زى الفل وبدل الامصال التى بالملايين كل عام
حلوا مشاكل الصيد فى شمالك وجنوبك وشرقك ووسطك يامصر وهات الفسيخة والبصلة جنبى دى الليمونة طازة والموت عاجبني والموت بالفسيخ افضل من الموت بالفرسة والوكسة من التصريحات الوزارية