سارة سلامة: اتعودت على الانتقادات والناس هاجمتنى وأنا فى العمرة

أكدت الفنانة سارة سلامة أنها اعتادت على تعرضها للانتقادات منذ ظهورها على الساحة الفنية، وذلك رداً على الانتاقادات التي واجهتها خلال الأيام الأخيرة علىالسوشيال ميديا واتهامها بإجراء عمليات تجميل غيّرت من شكلها وقالت : أنا اتهاجمت وأنا بعمل عمرة! يعنى كنت بقابل ربنا، ورغم كدا الناس انتقدوني بشكل غريب، ولذلك هذا الموضوع أصبح بالنسبة لى مضحك وبقيت ماشية بنظام اللى هو قولوا اللى تقولوه"

وأوضحت سارة سلامة: "كنت أول مرة أزور فيها الكعبة، واتصورت بشكل طبيعي وكنت مبسوطة جداً وربنا هو عالم أنا رايحة بنية عاملة إزاى، وبمجرد ما نشرت الصورة على السوشيال ميديا وقتها الدنيا قامت، وبقيت أقول لنفسى في إيه؟ هو مفيش حد متصالح مع نفسه شوية، وأنا الحمد لله شخصية متصالحة مع نفسي وقريبة جداً من ربنا الحمد لله واللي مش عاجبه ميشوفونيش الموضوع بسيط".

وتابعت سارة سلامة أنه من الطبيعي أن يكون هناك ناس تحبك وآخرون لا يحبونك مشيرة إلى: "كل التعليقات السلبية اللى بتتقال على شغلى أو أعمالى فوق دماغى، إنما التجاوز بالنسبة لي لا أقبله ولكن في نفس الوقت لن أعطى قيمة لهؤلاء وأرد عليهم، فهناك ناس بتبقي متخصصة لانتقاد الفنانين على أمور تافهة، إنما ممكن ينتقدوا على أمور لها قيمة زى الدور مثلاً معجبنيش هنا يا سارة تمثيلك فيه كذا لا يا سارة أدائك فيه حاجة لكن يا جماعة بتتكلموا فى مكياج !".

آخر أعمال الفنانة سارة سلامة خلال مشاركتها في مسلسل «الأجهر» الذي تم عرضه في شهر رمضان 2023، وحقق نجاحًا كبيرًا بإشادة الجمهور.

مسلسل «الأجهر» شارك في بطولته عدد كبير من النجوم، منهم سيد رجب، درة، خالد زكي، عمرو عبدالجليل، عارفة عبدالرسول، أحمد مجدي، سارة سلامة، نور النبوي، أحمد صفوت، محمد جمعة، مصطفى أبوسريع، وهو من تأليف ورشة ملوك ومن إخراج ياسر سامي