مش مسامح
مش مسامحة ومش هسامح
كل جرح وكل هجر
وكل حلو ف آخره مُر
باين علينا
في دمعة نشفت عالخدود
من غير دموع
بس باين عالملامح
هادعي كل ما افتكر
مين اللي باع واللي غدر
بنية صافية ولا جافية
غصب عنه ولا كان
قاصد وخان
وداس علي الورد
اللي طارح
لما كنا حنينين
وعيوني كانوا طيبين
ومنهم كنا قريبين
قالولنا معسول الكلام
قابلونا بوش الإبتسام
ما فارقوناش ولا في المنام
وبحبهم كان
عقلي سارح
فجأة ومن غير الوداع
الحب كان تاه ولا ضاع
خان وببلاش قلبي باع
مقالش حتي امتي راجع
لملم حنيني
بعتر سنيني
وهو هارب ولا رايح
مش مسامحة ومش هسامح
كل عين جات للحسد
بيشوفوا في الأيام عدد
شايفين في الكبرياء سند
كارهين عنادي في الشِدد
عايزين يشوفوا نخلة مايلة
وتتخرس للحق مرة
زيهم
وإياك اصرخ
و لا اقاوح
مش هسامح والسلام
بس مش ناوية انتقام
و الحق راجع بالتمام
ميزان عدالة السما
وصوت بكايا والكلام
والعدل سيف نافد
وجارح
#حنان_كمال
