اللي موقفش جنبك وقدر ظروفك مايستهكش
“في فيلم X لارج ، الفنان أحمد حلمي كان عايز يتجوز الفنانه دنيا سمير غانم وهو عمل معاها كل حاجه حلوه وفي الآخر سابته علشان كان عنده عيب أنو تخين مع أنو هو ماسبهاش لما كانت عندها عيوب كتير من ضمنها أنها عصبيه واستغلاليه وبتاعه طلبات كتير وفعلا سابته علشان العيب ده وكان في أصعب ظروف وكان فعلا محتاجلها جدا .
بس لما بعد عنها عرف ينزل من وزنه ويصلح العيب ده وقدر يثبت أنو بيها أو من غيرها قدر ينجح وينزل من وزنه!
ولو تبص بقي في آخر الفيلم هتلاقيه بيقولها ..
مش فاكرك عرفيني بنفسك ، انتي مين؟
ومتجوزهاش برضوا في الآخر عشان موقفتش جمبه وسابته ومستحملتهوش رغم أنه استحملها وحبها.
الفكره من كل دا ، اللي ما واقفش جمبك في فتره احتياجك ده سواء صاحبك أو حبيبك أو مرأتك فدا محبكش ولا يستاهلك.
الحاجه أما بتيجي متأخرة بيبقي ملهاش لازمه.
أعرف قيمة اللي ف ايديك قبل ما يضيع منك .
