دينا فؤاد: عايزة أنزل الشارع أبيع مناديل.. وأحلم بدور جاسوسة

دينا فؤاد: عايزة أنزل الشارع أبيع مناديل.. وأحلم بدور جاسوسة

حنان توفيق

عبرت الفنانة دينا فؤاد عن اعتزازها وفخرها بما قدمته من أعمال فنية خلال مشوارها الفني، مؤكدة أنها لا تقدم أي دور إلا إذا كانت لديها قناعة تامة به وتصدقه.

وقالت دينا فؤاد خلال مداخلة تلفزيونية في برنامج «تفاصيل» مع الإعلامية نهال طايل، عبر فضائية «صدى البلد 2»: «أي عمل بدخله أو أي دور بيجي لي لازم أكون حاباه قوي وحاساه، عشان أقدمه للناس بشكل جيد، والحمد لله شخصياتي بتنجح مع الناس».

وأضافت: «لحد دلوقتي الناس بتكلمني عن دوري في مسلسل (العار)، وفيلم (العمر) و(خطوط حمراء)، و(الصياد)، و(الاختيار)، ودائمًا تلك الأعمال بتنجح وتسيب أثر عند الناس».

وكشفت دينا فؤاد عن أحلامها الفنية المقبلة، مشيرة إلى أنها تتمنى تقديم أدوار مختلفة وخارج الصندوق، قائلة: «حاسة إن لسه عندي كتير أقدمه، نفسي أعمل دور جاسوسة من ملفات المخابرات، ونفسي أعمل دور بنت بائعة مناديل في الشارع، وأقعد مع شخصية حقيقية عشان أعرف حياتها والظروف اللي بتمر بيها وفين عيلتها وكل الطرق اللي مرت بيها، في أعمال كتير خارج الصندوق أحب أقدمها».