لا للتنمر
ما اختـــرتـش إسمــي و لا مكــاني
و لا هيئــــة جســمي و تقـاطيعـي
و لا لــوني و رسمـــي و عنـــواني
فـا كفــــايه تحــــاول تـرويعــي
معجب ب كـــــلامـي و ب سكوتي
و شفــــايفي و عينــي و تسبيـــلي
عجبـــاني اللـدغه اللي ف صوتي
عجبـــاني مـــلامحي و تفاصيلي
و البشــره الســوده اللي ف وشــي
و سنـــانـي و شــكلي و تجــاعيدي
عجبـــاني الـزكــــه اللي ف رجــلي
عجبــاني الــرعشـــه اللي ف إيـدي
أنا قلبي ســــليـم في الـدنيـــا دي
فـا اتنمـــــر و بـراحـتــك عـــــادي
لا انا ســامعـك أبــدا و لا شــايفـك
و كأن مفيـــش حـــد قـصــــادي
منتـــاش مكســـوف
هـوه انا كنت شاكيتــلك مـــره من أي ظــروف
منتـــاش مكســـوف
و ضميـرك عـاجـز و مسافـر مش راضي يشوف
طب قــــوللي حقيقــي هتاخـد إيـه
مـع واحـــد كل الرضــا ف عنيـــه
و انـا كـل مـا فيــا جـميـــل و اكـتـر
و بـمــوت و حيـــاة ربنــا قـوي فيه
أنٕا مـش مـحـتـــاج
أنـا قـلـبـي يـاقــوت و دهـب أصلي مترصع عاج
إنت الـمـحـتـــــاج
يا بوقلـب مــــلان ظلـم وأســوه وعايـز له علاج
على طـول ب كلامـك ليه جارح و كأنه رصـاص
و وجعـت سنيـن خلـق كتيـره و قتلـت ف نـاس
ليه شـايـف نفســك على غيـرك و ان انت مــلاك
وانت اللي مفيش نخوه فقلبك ومفيش إحساس
طـب خـــاف مـن ربـــك و عَـلَامُـــه
لـمــا هـا هـتـتـحــــاسـب قــدامــــــه
( لا يـسـخــر قــــومٌ مـن قـــــــومٍ )
و لّا انت نـسـيـت يـعنـي كـلامـــه
إنـت بتـتـنـمــــــر على واحـــــد
لا ٱذاك و لا هــــانك و لا ضَـلَّك
و لّا على الـمــــولى اللي خـلـقـنـــي
و ب إيــــده يـعـــــــــزك و يــذلَّـك
حَـمِّــــــل ف ذنـــوب ياللاه و شيـــل
و إتـنـمـــــر ع الـنـــاس ب ضـمـيـــر
ربـــك دا بـيـمـهــــــل و لا يُـهْـمـــل
بـس إنـت اللـي بتنســــى كتيـــــر
أنـا أحســــن مـنــــك ده لأنـــي
جـــوايـا نضيـف قــــــــوي و أمـيــن
و مفيش في الدنيـــــا أجمـــل منـي
و مفيش في جمـــال روحــي اتنيـن
فـا بـراحـتــك عـــادي قــوي و عِـيب
و اضحــك مـن قـلـبـــك و ســـــوادُه
فيـه رب لا يمــكـن هـيـسـيـب
و هـجـيــب مـنـك حـقــي قـصـــاده
