أنـا و البـن ..... و الفنـاجيـل
2:50pm 23/09/23
صورة أرشيفية
الشاعر محمد هيكل
أنـا و البـن ..... و الفنـاجيـل
بنفهـم بعض ....... عِميـاني
انا و القهــوه ...... متفقيـن
و بينـا ......... عشـق رباني
لقانا الصبح ..... دا أساسي
نسامـر بعض ...... كالعاده
بتعشق فيا ...... إحساسي
و انا بعشقهــا .... لو ساده
بدوب وياها ........ و بفكّر
و بكتب شِعــري .. و بغنيه
و لو كل البشر ........ عكّر
مزاجي ....... هيه بتحليه
تجيلي الصبـح على سهوه
تاخدني ف حضنها و بلين
انا و فنجاني .... و القهوه
صحاب جــدا و متفاهمين
