لذيذة ومختلفه ٠٠ دقية كوسة بالطشة

المكونات
كيلو كوسة 
لحمة مسلوقة ( ممكن لحمة معصجة بتبقى تحفة )
 شوربة اللحمة 
 بصلة مفرومة
معلقة ثوم مفروم 
لتر عصير طماطم 
معلقة كبيرة سمنة
ملح - فلفل 
نعناع ناشف - بهارات 
رشه سكر 
اقطعي عنق الكوسة وبسكينة مشرشرة كحتيها وقطعيها 
شوحي اللحمة في شوية سمنة وزيت مع رشة فلفل اسود
في حلة علي النار شوحي بصلة مفرومه مع فص توم مفروم في معلقة سمنة وبعدين انزلي باللحمة المتشوحة وعليه عصير الطماطم وشوية من شوربة اللحمة 
مكان تشويح اللحمة انزلي بالكوسة واديها تشويحه مع رشة نعناع 
انزلي بالكوسة علي عصير الطماطم واللحمة وتبيلها بالملح والفلفل والسبع بهارات مع رشة السكر وسبيها تاخد سواها 
طريقة الطشة
ثوم مفروم - سمنة 
رشة نعناع ناشف 
اعملي الطشه من التوم المتشوح في معلقة سمنة ورشه نعناع وانزلي بيها علي الكوسة وقدميها بألف هنا