طريقة عمل مربى البطيخ

مربى قشر البطيخ قد تكون طريقة جديدة بالنسبة لك، ولكنها موجودة بالفعل وذات طعم رائع ولكنها غير منتشرة أو مشهورة كبعض أنواع المربات، يتميز قشر البطيخ بأن له فوائد كبيرة جداً للجسم وقيمة غذائية عالية، والبطيخ غني بالفيتامينات والمعادن ومن أهم الفيتامينات التي توجد في البطيخ فيتامين أ وفيتامين ه وهي فيتامينات مهمة لصحة العيون والبشرة، أما المعادن التي توجد في البطيخ فعلى رأسها الكالسيوم والماغنيسيوم والكثير من المعادن الأخرى ذات الفوائد المتعددة للجسم ومنها التنحيف وإنقاص الوزن والحفاظ على صحة العظام والشعر والأسنان

المقادير

٥ كوبايات من القلب الابيض اللي بين القشره الخضراء وقلب البطيخ الاحمر. 

٤ كوب سكر. 

كوبايتين عصير البطيخ.  

نص كوب عصير ليمون.  

نص معلقه ص قرفه.

 ربع معلقه ص قرنفل مطحون أو ٥ حبه قرنفل

.  

الطريقه.  

قطعي البطيخ وضعي الجزء الاحمر في بولة وشليها في التلاجه تحلوا بيها

  لازم تشطفي البطيخه الاول وتنشفيها.  

القشر الناتج قشريه واحتفظي بالجزء الابيض وارمي القشر الاخضر. 

قطعي الجزء الابيض شرايح رفيعه و الافضل تبشريه.  

ضعيه في مصفاه ينزل ميته. 

خدي جزء من البطيخ واضربيه في الخلاط بس ما ينعمش اوي.  

ارفعي الحله علي النار.  

ضعي الجزء اللي بشرناه وعليه السكر وعليه عصير البطيخ.  

وخديه غلوه علي النار لحد مايدوب السكر 

ضيفي عصير الليمون وسبيه يغلي وبعدين هدي النار ثم ضيفي القرفه والقرنفل وسبيه علي النار الهاديه لحد ما ينقص ويعقد 

وبعدين ضعيه في برطمان نضيف علي طول وبعدين لما تبرد دخليه التلاجه.  

تعرفي ازاي ان المربه نضجت

لما تنقص وتقل ميتها وتاخدي جزء بالمعلقة وتحطيه في طبق ولما تبرد وتميلي الطبق ما تسلش منك وتفضل محتفظه بقوامها.     

اضافه الليمون اليها بيديها مزازه حلوه لان البطيخ مسكر فقط مفيهوش مزازه المشمش والفراوله وغيره علشان كده بنزود الليمون.