رئيس الإرشاد البيطري تحذر ٠٠ مرض ينتشر بالرنجة المباعة بالشوارع
يعتاد الكثير الي تناول الرنجة قبل رمضان وقبل بدء الصيام لذلك حذرت الدكتورة سماح نوح رئيس قسم الارشاد البيطري من تناول الرنجة المباعة في الشوارع.
وكتبت نوح في منشورها خلي بالك .وبلاش رنجة مجهولة المصدر بلاش رنجة معروضة في شارع
اشتريها من مكان نظيف وتكون مغلفة تكون جسمها متماسك وريحتها حلوة وجلدها سليم ولامع ومش نازل منها اي سوائل.. ليه لأن الرنجة اللي مش تمام فيها احيانا دودة الرنجة وكل فترة ناس بتبعت تسأل عنها وايه مخاطرها ونعمل ايه عشان نتفاداها وازي نشتري رنجة صح هي دودة تشبه الشعر او الفتل فبيسموها الدودة الشعرية ودي بتعمل ايه ؟
بتعمل مرض اسمه Anisakiasis او بالعربي اناسيكس واللي بتعمله وتسببه هي يرقات Anisakine المتواجدة بالقناة الهضمية او المخترقة للأنسجة الادمية نتيجة استهلاك الانسان لأسماك ومحار ني بس اكتر اصابة للانسان هى ديدان الرنجة ودي مش في اي رنجة دي في الرنجة الفاسدة بس.
وأعراض الإصابة ..
قلق في منطقة المرىء لو أكلت رنجة مش سليمة بعدها تظهر التهابات بالقناة الهضمية وتخرج مع الكحة او فى البراز ما يشبه المخاط , وفى الحالات الشديدة تعمل التهاب بالمعدة او الامعاء وساعات يحصل لخبطة في التشخيص على انها قرحة او سرطان نتيجة تفاعل الخلايا تجاهها.
