الشاعر راضى على الطهطاوى يكتب : عام سعيد

كل عام والكون بخير ......... واحنا وانتو وكل غير 
كل عام و الحب زايد ........... نور بلدنا بفرْح قايد 
والمحبة ف كل حتة ..... .... مصر جامع جنبه دير
كل عام والكون بخير ..
.. 
كل عام واحنا ف سلام .... والحظوظ تعزف كلام
عام جديد ع الكون سعيد .... كل خير يكتر يزيد 
نلقى كل قلوبنا فرحة ..... ....خالية من كل الآلام
كل عام واحنا ف سلام ..
..
كل عام واحنا ف نجاح .........والصلاح ويَّاه فلاح
كل خير عَم البلاد ................. والأمان والحب زاد
والحظوظ الحلوة تيجي..........نلقى نور الفرْح لاح
كل عام واحنا ف نجاح .
..
كل عام واحنا ف محبَّة....... والقلوب بالحب شابَّة
الصفا للناس يجمَّع .............نلقى لحن الحب سمَّع
والسعادة نهر جاري..............نلقى منها القلب عبَّى
كل عام واحنا ف محبَّة...
..
كل عام واحنا ف رخاء.......والنعيم بيفيض سخاء
البشر لو سود وبيض ............. حبهم للخير بفيض
كلهم عايشين ف دنيا............بالسماحة وبالإخاء 
كل عام واحنا ف رخاء
..
كل عام واحنا ف امان...... والهنا يطرق بيبان
والفرَج من كل ضيق ... والنجاح يملا الطريق
ربنا يحقق رجانا ............والهنا ف العين يبان
كل عام واحنا ف أمان.
...
كل عام واحنا ف سعادة..... والمحبة سلوك وعادة
والسرور يملا الديار ............ والقلوب تصبح عمار
والرضا ف نفوسنا دايما ...... والهنا والخير زيادة
كل عام واحنا ف سعادة.