اين يكمن الحب الخفي في حياتنا

الحب مشاعر بتتخلق في أي لحظه مالهاش مواعيد ولا ترتيب خاص كلنا بنحب ومين فينا محبش بس احيانا بيكون للحب ده انواع واشكال الغريب في الحب مش اننا بنحب لا الغريب في اننا احيانا بنكون مرتبطين بقصة حب واحنا فعلا عايشينها لكن بداخلنا قصة تانيه قصة حب تانيه بنعيشها بس من غير محد يحس بيها بنحاول نخفيها عن الكل احيانا بيكون فيه سبب واحيانا منغير سبب ودا اللي بنسميه الحب الخفي 

تجربة الحب الخفي دي موجوده عند كل الناس يمكن محدش حس بيها او عمرنا ماصارحنا نفسنا عن موضوع الحب الخفي ده لكن للاسف هو موجود ناس كتير بتبقي بتحب حد ونفسها فيها وقلبها بيتقطع عليه بس مش حاسين او عاملين انهم مش واخدين بالهم مش حابين يصارحوا نفسيهم بالحب ده بيهربوا بالحب ده من نفسهم فقط بيكتفوا ببعض المشاعر اللي بتظهر لما يشوفوا المحبوب 

الحب الخفي دا بيكون لما بتكون بتحب حد وانت عارف انه عمره ماهيكون ليك ولا انت هتكون ليه مستحيل تكون قصة الحب دي احيانا بيكون كدا فتاخدها من قصيرها وبتخفي الحب ده وكفايه انك بتحبه انا مرت بيا تجارب قصاد عيني بنات وشباب كتير بيمروا بالتجربه دي بيكونوا معجبين وبيحبوا حد بس مش عايزين حد يعرف وعمرهم ماقالوا بينهم وبين نفسهم انهم بيحبوا الشخص ده المشاعر اللي بيحسوا بيها دي فقط بتظهر على هيئة اهتمام بالشخص نظرات من بعيد لبعيد سعاده وهو موجود جمبك ارتياح بالكلام معاه مش اكتر من كدا 

للاسف الحب الخفي دا مش بيظهر غير لما نشوف الشخص اللي بنحبه يعني مش بنسهر الليالي الطويله عشانه ولا مش بنفضل نفكر فيه بستمرار ولا بندور على اننا نفضل معاه طول الوقت يعني كل علامات الحب مش بتظهر غير والشخص دا قدامنا وبمجرد ما يمشي من قدامنا على طول بننسي حبنا واشتيقنا ليه الاغرب ان الحب دا مالوش نهايه يعني بيفضل مستمر طول العمر طول ما انت بتشوف الشخص اللي بتحبه في الخفاء هتفضل تحبه مهما كبر او انشغل بحد غيرك لحظات الحب دي هتفضل مكمله معاك لاخر العمر هو حب معمر قوي بس للاسف مش حب اساسي في حياتنا ممكن تقول عنه حب ثانوي حب مافهوش عذاب وحرامان وجراح على العكس انت ديما مستعد ومهئ نفسك ان حبك ده مالهوش مقابل