تعرف علي فوائد الطبقه الجبنيه للمولود

الطبقة الجبنية هى طبقة لونها أبيض مكونة من الدهون ودى بتكون على جلد حديثى الولادة مغطية جسمهم كله.
فايدتها إيه؟
أنها بتكون عازل بين جلد الجنين وبين السائل اللى عايم فيه داخل الرحم.. تخيلى إيدك لو حطيتيها فى مياه ٥ دقايق الجلد بيكرمش فما بالك بجلد محطوط فى مياه ٩ شهور؟؟ 
لذلك هى بتحمى جلد الجنين من الماء فى الرحم ولولاها كان الجنين يتولد جلده كله مكرمش..
وفايدة تانية بتحمى الجنين من الالتهابات والعدوى المختلفة داخل الرحم.
وفايدة تالتة أنها بتساعد فى تأقلم الجنين على الجو الخارجى بسرعة بعد الولادة يعنى كأنه بيتولد لابس جاكت 
وفايدة رابعة أنها بتساعد فى عملية ولادة الجنين وفوائد أخرى كثيرة تبارك الله أحسن الخالقين.
بسم الله الرحمن الرحيم 
ثُمَّ خَلَقْنَا النُّطْفَةَ عَلَقَةً فَخَلَقْنَا الْعَلَقَةَ مُضْغَةً فَخَلَقْنَا الْمُضْغَةَ عِظَامًا فَكَسَوْنَا الْعِظَامَ لَحْمًا ثُمَّ أَنشَأْنَاهُ خَلْقًا آخَرَ ۚ فَتَبَارَكَ اللَّهُ أَحْسَنُ الْخَالِقِينَ ١٤ سورة المؤمنون.