منى صدقى تكتب القيامة النفسية والإنجازات السنوية
بعض الناس بييجوا عند نقطه معينة في حياتهم وجسمهم يقرر يخونهم يقع ويتهد وينهار جلطه في مخ بدون أي سبب مفهوم ضغط يعلي في يوم وليلة من غير أي مقدمات سكر غير متوقع والأشد والأصعب هو الأمراض الذاتية وهي أمراض ( المناعة) اللي بيتحول فيها جهاز المناعة من صديق الي عدو بدل ما يحارب للخارج ويدافع عن الجسم يحارب للداخل ويهاجم الجسم وينتج عنه مصايب سودا ده كله كوم وكوم مرض السرطان كوم تاني اللي برضه لغايه انهارده مش عارفين له علاج كأن الجسم قرر يعاقب صحبه ويوجعه والإكتئاب والهوس عكس الإكتئاب كله ده بسبب إيه هو الإحساس بالذنب والإحساس بالذنب هو إحدي القوي الكونية علي تفتيت النفس وده بشكل غير واعي وبتدبير خفي وتخطيط محكم إحنا ذي ما عقلنا بيشتغل لصالحنا ممكن ساعات يشتغل ضدنا وزي ما جسمنا بيساعدنا ويساندنا ممكن |إحياناً يقاومنا ويحاربنا وذي ما في حساب وقيامة وحساب إلهي في الآخره ساعات بيكون فيه قيامة وحساب نفسي في دنيا في حاجه اسمها إبتلاء وفي حاجة اسمها مصايب ولكن كل ده عبارة عن مجموعة من الملاحظات والتفسيرات في جوانا جزء مراقب ساعات بيكون مكافئ وساعات يكون معاقب الجزء ده جاهز طول الوقت مش عارفه إيه اللي ممكن يمنعه أو يوقفه مش عارفه إيه علاقته بالضمير .
لكن اللي أعرفه كويس من كمية الكتب والكورسات إن الجزء ده موجود جوه عقلك وداخل جسمك وفي أعماق أعماق نفسك وهو إنه يكون إحدي وسائل الحمايه منه إنك :
إنك تحب نفسك وتحترم غيرك وتراعي ربنا
ساعتها تقدر تمتلك زمام جسمك وتتقي شر نفسك وتأمن مكر عقلك
ده اللي اسمه القيامة النفسية
أما عن الإنجازات النفسية
في نهاية السنة بنعقد نراجع الإنجازات اللي نجحنا فيها السنة كلها لاقيت إن في إنجازات كتير مش بتتشاف
▪️أنك تقاوم تعبك وحزنك وتكمل..... ده إنجاز
▪️ إنك تتأقلم مع وضع أو شغل أو مكان انت مش مرتاح فيه ........ ده إنجاز
▪️إنك تخفف عن اللي حواليك وأنت محتاج اللي يخفف عنك ويطبطب عليك .... ده إنجاز
▪️إنك تصحى من النوم مضطر تضحك وتبتسم علشان محدش يلاحظ قلقك وحيرتك...... ده إنجاز
▪️إنك تحارب علشان حاجة بتحبها ومؤمن بيها وغيرك مش مصدقها ده إنجاز
▪️وأكبر إنجاز إنك تحس وتشوف الناس اللي إنجازها مش متشاف
وبكده نكون كلنا أنجزنا كتير في 2021 ولسه مكملين مهم مش علي حساب نفسك وتكون مقدرها كويس وخايف عليها عشان مش تقوم القيامة نفسية وتسعد بالإنجازات النفسية وكل سنة وأنتم طيبين وبخير وعام سعيد علينا جميعا يارب بحب لنفوسنا الذي يجعلنا نعرف ننجز وإحنا مش خسرانين حاجة ونعرف نحب اللي حوالنا وتتأقلم معاهم .
