منى صدقى تكتب "هنا ودلوقت "

عارف اه اصعب سجن في دنيا سجن خايف من بكره 
عارف ايه السجن اللي اصعب منه 
سجن زعلان علي امبارح 
عارف اه اصعب حاجه فيهم هما الاتنين 
ان احنا بنسجن نفسنا فيهم بإيدينا
مافيش سجن بيبهدل  صاحبه ويعذبه وما ينيمهوش الليل ذي سجن خايف من بكره وزنزانة اظلم من زعلان من امبارح 
ده متشعبط في علاقه قديمه او زعلان علي فشل سابق او ندمان علي فرصه ضائعه 
ده خايف من فقد الموجود او ضياع المحسوب او خساره المكتسب 
لاده عايش ولا ده عايش 
لا في الحقيقه هما عايشين بس ما فيش حد فيهم  علي قيد الحياه الاتنين بياكلوا ويشربوا ويتنافسوا بس ماحدش فيهم حاسس باي طعم 
ده عايش في  حزن وده عايش في غم مما هو مضي ومما هو اتي 
الانشغال والتفكير بشكل ده بيحرمنا من ( هنا دلوقت)
نحن في حقيقه لا نملك في حياتنا غير هنا دلوقت مافيش في ادينا غير اللحظه دي في مكان ده
كل حياتك مركزه في ثانيه اللي حتروح مش حترجع بعض تدريبات  الوعي اليقظ يخلوا ناس يتنفسوا بهدوء يحسوا بالهواء اللي داخل وخارج من جسمك عشان يحسوا بقيمه الهواء فقط في لحظات قليله  يعلمونا اذاي نركز ونتمسك ونحس ونقتنص اللحظه ما نسبهاش تضيع هباء
ليه افكر في هروب من اللحظات وده يجعلني اهرب من كل اللي حواليه واعيش في سجن 
يعني ما نعملش حساب اللي جاي 
مين قال كده ؟ نعمل طبعا وتخطط بس من نغير ما نسجن نفسنا فيه 
عايزك دلوقتي تحس بكل حاجه دلوقتي وتغمض عينك وتاخد نفس عميق وعلي مهلك  هتعرف يعني ايه هنا 
ويعني ايه دلوقتي