قصة كفاح رجل الأعمال ابن قرية أبو رقبة
الحاج محمود العربي رئيس مجلس إدارة مجموعة شركات العربي ... العربي جروب
1964 تاريخ تأسيسها تاريخ الميلاد 1932م
محل الميلاد
مصر ... محافظة المنوفية ...مركز أشمون .. قرية أبو رقبة
تاريخ الوفاة
9 سبتمبر 2021م
2 صفر 1443 هجري الخميس
عن عمر 89 عامً
تشييع الجنازة اليوم في تظاهرة شعبية لرجل نفع الناس فأحبوه
بعد الصلاة عليه في مسجد العربي بمكان ميلاده عقب صلاة
الجمعة
10 سبتمبر 2021م
03 صفر 1443 هجرية
العزاء بمسجد الرحمن الرحيم ... طريق صلاح سالم ... القاهرة
عقب صلاة المغرب
الأحد 12 سبتمبر 2021م
05 صفر 1443 هجرية
الزوجة هانم عيد محمد
️توفيت 6 سبتمبر 2009م عدد الأبناء ثمانية
البداية ... القرآن
️ والده مزارع إستأجر أرض وزرعها
في سن ثلاث سنوات أرسله للكتاب فتعلم القرآن
️لم يلتحق بالتعليم بسبب ظروف والده المادية البسيطة
️بدأ بائع في محل ... ظهر ميله للتجارة منذ صغره
️كان وهو طفل صغير يبيع لعب الأطفال على مصطبة منزلهم بالقرية في العيد والمناسبات ... يدخر الأصل والمكسب يعطيه لأخيه غير الشقيق فيشتري له غيرها ... لاحظ الأخ موهبته إصطحبه للقاهرة فعمل بالموسكي بائعا من محل لآخر
الكيان
إشترى وشريك له محل بالموسكي وبدأ التحول من عامل لصاحب عمل ولم ينس الرجل حق الشريك ولاحق الفقير فكان في ماله حق معلوم للسائل والمحروم
حوار الحاج محمود عن بدايته
لما فتحت أول محل ليا، فتحته شركة مع اتنين ..
واحد منهم اشتغل معانا يومين و تعب، فضلت حافظ حقه و بوصله لحد البيت، لدرجة ان شريكي التاني زعل و قالي ازاي ياخد فلوس من غير ما يشتغل؟ قلت له يعني هو بمزاجه؟
ده مريض و بيصرف اللي وراه و اللي قدامه ع العلاج، و فضلنا كده لحد ما توفى بعدها بسنتين ..
و طلعتوا الورثة من الشركة؟
لا طبعا، شريكي التاني صفى و مشي، انما الورثة كملوا بنفس نسبة ابوهم، حتى لما الشركة كبرت حافظت على نسبة ليهم فيها، و راعيتهم و ربيتهم هما الاربعة زي عيالي بالضبط،
كانوا 4 شباب.. عيل منهم بقى دكتور.. و 3 خريجين تجارة،
ومنهم 2 في أمريكا دلوقتي كمان ..
عملت كده ليه؟
عشان اتعلمت في الكُتاب ان الشركة اللي ناسها بتحب بعض ربنا بيكون معاها.. و لما ربنا بيكون معاك بيكرمك و بيفتحها في وشك.. أما الشركة اللي فيها زعل و خيانة ربنا بيخرج منها و بيجي مكانه الشيطان..
و بقيت ناجح كده ازاي؟
أنا معرفش بقيت كده ازاي, مش شطارة مني و لا حاجة، هو ربنا اللي عمل كل ده ..
و الناس اللي شغالين معاك؟
بشوف ان ليهم رزق هيجي عن طريقي ..عمري ما قولت حد شغال عندي, بقول شغال معايا دايما لأن ربنا اللي باعتهولي ..
حتى في مرة قابلت الرئيس مبارك و قالي نفسك في ايه؟ قلت له نفسي كل سنة اشغل ألف شاب جديد, و فعلا كل سنة بقيت اشغل ألف شاب.. و بقيت مستغرب إن كل ما العدد يزيد .. كل ما الشغل يزيد و الرزق يكتر ..
الوكالة
️ حصل على توكيل كبرى الشركات اليابانية وحلم بأن يتحول من رجل تجارة لرجل صناعة وهمه أن يفتح أكبر قدر من البيوت بزيادة عدد العاملين معه
️ إنتقل النشاط لأماكن آخرى غير الموسكي إمتد لجزيرة بدران بشبرا .. ثم بورسعيد
️أقام المصانع في بنها
تتوسع ليحتل الجزء الأكبر من المنطقة الصناعية بقويسنا بالمنوفية
مع الخط الصناعي التجاري يسير الخط الخيري
يعاونه نخبة من أهل الثقة وأهل الخبرة يتقدمهم أخيه الحاج محمد العربي وكوكبة من الرجال المخلصين للشركة
إنشاء صرح مجموعة العربي
️1975م زار اليابان دخل مصانع توشيبا التي حصل على توكيلها، فطلب منهم إنشاء مصنع في مصر
كان لديه أرض في طريق مصر الإسكندرية الزراعي زارها خبراء من اليابان وأقروا بصلاحيتها ...
️1982م كان إنشاء أول مصنع للشركة في مصر
️ تم بناء مجمع صناعي في بنها. وعلى مدار العقود التالية ️زادت شراكاته مع شركات يابانية مصنعة للأجهزة الإلكترونية وغيرها أصبح وكيلاً لعلاماتها التجارية مثل
️سوني
️ سيكو
️إن إي سي
️ هيتاشي
️ حاليا وصلت مبيعات مجموعة العربي 400 منتج في 22 دولة، و
️شبكة التوزيع والخدمات للمجموعة من أكثر من 2800 مركز بيع وأكثر من 180 مركز لخدمات ما بعد البيع والشراء
السياسية
بناء على طلب محافظ القاهرة أصبح نائباً بمجلس الشعب،
لم يترشح مجدداً لأنه فضل التجارة والصناعة عن السياسة.
أرفع وسام ياباني
2009م مايو حصل محمود العربي على أرفع وسام ياباني
وسام الشمس المشرقة
من الإمبراطور الياباني أكيهيتو
عن دوره في دعم وتحسين العلاقات الإقتصادية المصرية اليابانية
ربنا يرحمه ويدخله فسيح جناته
