الامومه والمشاعر والواقع
قالها : ياحماتي مش فاضيلك ومش ها ساعدك ومع نفسك عيشي قالت له : وماله انت حر يأبني ربنا مايحوجني ليك ولا لغيرك
ولما خلف اول طفل اول شخصيه ساعدته من غير ما تقوله انا بساعدك وبأربي عيالك ولا فكرته بكلامه هى حماته,ولأنها تعرف ربنا كويس عملت كده ومش محتاجه غير قوة ربنا ....
قالت عمر البشر ماب تسند حد ولا بتساعد حد ربنا هو الي يساعد بس ماهو مكتوب في الكتب ملعون من يتكل علي زراع بشر ,,وهى كانت مذاكرة كويس وكانت شاطره السنين علمتها والضيقات خلقت منها ست بمية راجل وقابلت احزان ومشاكل خلتها ست جدعه قوي
وفي نفس الوقت الي كانت بتسامح وتساعد فيه بنتها,
قالت لها ياما ما انا حاسة ان حبي لأولادي اكتر بكثير من حبي ليكي..........
قالت لها وبهدوء مؤلم وماله حبيبتي هي دي مشاعر الأمومة وطبيعي تكوني كده الاولاد هم اغلي شيء في الدنيا
وعشان هي ست جدعه وفاهمه الدنيا
قالت لنفسها ياهو بعد العمر ده كله وتعب السنين وسهر الليالي بس ده الطبيعي ...
الام هي الكائن الوحيد الي يحب يعطي وبدون مقابل فهي لا تبخل في العطاء مهما تعبت وبتكون سعيدة لان العطاء مغبوط اكثر من الاخذ وبالرغم من انها عارفه ان الاولاد ينسوا التعب لكن لو علي حافة الموت ها تساعد برضه فالأم نبع من العطاء وحب بلا مقابل وضهر وسند في الحياه فانحني لكل ام تعبت وسهرت الليالي من اجل ابنائها فلا تنسي محبة الام وتعبها واحرص علي كلماتك فكل ما تزرعه الان غدا تحصده
