الله محبة

والحب للمؤمن شعار 
الحب لمّا يبقى باين
والسماحة تفوح جناين
نلقى حضن الكون دا دافى
تصبح الضلمة نهار
حُب لو غاب من قلوبنا
تبقى غابة وفيها دوبنا 
كله عايش آه لنفسه 
قول على الدنيا الدمار 
قلب لو ضاع حب منه
راح يعجِّز قبل سِنُّه 
مهما كان المال فى إيده
راح يعيش الجنة نار 
لمّا بينا الحب يطرح 
راح يحلى أى مطرح 
والعيون تفرح تغنى
يملا كل الكون ثمار 
حبنا شمس و عمار 
سر ضحكة ف القلوب
عشقه ما يعرف هروب
ألف وردة للى أخلص ف المودة 
واللى سايع كل لون 
عاش يغرَّد جوا كون
حب وطنه ... صان ترابه
عمره ما عكر شرابه 
لمـَّا تكره انت أخوك
تلقى كل الدنيا شوك
تلقى كل الناس سابوك
تلقى طعم الدنيا مر
اغتراب 
تبقى للعطشان سراب
ألف وردة للى عشش جنب طيره
مامنعشى حد خيره
حب غيره وأهل داره
او ماخنشى ف مره جاره
ألف ورده للقلوب 
اللى لو عشقت تدوب 
اللى بتحب بصحيح 
فيها بلسم للجريح
صامده ما اهتزت لـريح
للوداد دايماً تصون
طاهرة ما تعرف تخون
أو تضر
جوّا منها الخير يسر
لمّـَا يبقى بينا بُغض
ولا تار
لما نكره بعض عار
الله محبة والحب للمؤمن شعار