إحساس غريب

بقلم /أيمن بحر عارف لما يجي عليك وقت مش قادر والا عارف توصف شعورك بتخبي وتسكت متحطم من جواك مش لاقي حد يساعدك مش لاقي حد يفهمك أو يمسح دمعتك قلبك بيكون حزين للدرجه ما تتوصفش محتاج ايدين حنينه تلامس عليك لكن ما تلاقيها في وسط الطمع والحقد والانانيه اللي بقينا عايشين فيهم حاجه تحزن بجد لما تكتم كل اللي جواك لما تحس انك عايش وسط مجتمع كله ماشي ب المصلحه مفيش حاجه اصلا بقى اسمها حب وبردو مش كل الحب بس الكره غالب في كل الطرق والا اكتر كمان لما يصعب عليك أن تتضحي عشان ناس ما تستاهل حتى لو كلمه عطف منك وكل مادا بقوا بيحسسوك أنك كنت مجرد لعبه أو كنت طرف في إنتقام مالكش ذنب ابدا فيه وبقيت بتعاني منه للدرجه أن كل الحب اللي جواك انقلب لكره لعدم شعور من كتر ما شفت وعانيت وكان كل ذنبك انك حبيت بجد وبصدق لكن في النهايه الحب ده كله كان أكبر عقاب بالنسبالك عارف لما تنصح وتوعي وتكون نفسك تعيش مرتاح بعيد عن أي مشاكل وتبص تلاقي نفسك جوه مشاكل لا تعد والا تحصى محطوط فيها غصب عنك وده ليه نتيجه طمع اللي معاك مش مهم ابدا انك تكون بتعاني أو مخنوق لكن لازم تقبل أوضاع كلها غلط في غلط يا اما تعيش حياة كلها مشاكل حياه اضضراريه واللي يتعب اكتر مع كل ده أن اللي قدامك مصر أنه يخسرك بأفعاله وبطريقته وبتجاهله ل مشاعرك وزعلك ويجي بعد كده كمان لا يحترمك والا يقدرك وانت مطلوب منك انك تسكت متبقاش عصبي والا مضغوط والا أكبر كمان ان اللي معاك ده يستقل بيك ويذل فيك ويهددك كأنك مالكش وجود ابدا في حياته في النهايه مطلوب منك تتحمل وتحميلك ده بقى فوق طاقتك دلوقت للدرجه أن اللي جواه اللي ساكت ده بقى زي البركان لو انفجر هايهد جبال وهايكسر حجور كمان حاجه بقيت غريبه بجد مفيش رحمه والا إحسان والا قلوب نضيفه كله شايف نفسه هو الصح واللي على حق وكمان مظلوم بجد لله الامر من قبل ومن بعد