قصيدة مَالَك الشاعرة / دُعَاء الفِقي( نبض الأقلام )`
12:34pm 22/01/25
صورة أرشيفية
حماده الأمير
اوعى في يوم تجي تسألني مالَك ؟!!
وتقول كان فيه ضحكة حلوة وايه جرالك؟
وانتَ اللي كنت علطول مشغول في أحوالك
عدت أيام وشهور و جيت بعدت عن خلانك !
طب فاكر الأيام اللي مخطرتش يوم على بالك ؟
كانت عِشرة حلوة ومكانتش تجي يوم في خيالك
كانت عيوني غنوة ليك بتهرب فيهم من أوهامك
كنت سند ليك بيسعى انه يفضل يحقق أحلامك
كنت روحي بهديك وكنت أنا بساعد كل أحبابك
كل أحبابك طعنوني والقلب محسش أبدًا بآمانك
وجيت انتَ بيعت بسرعة وضاعت فورًا أخبارك
وفي الآخر بقولك اوعى في يوم تقولي مالَك ..
`
