قصيدة لسه بتسامحي `الشاعرة / دُعَاء الفِقي( نبض الأقلام )`
لسه بتشوفي عيونه حلوة وتسامحي!
لسه كلامه حلو ولسه انتِ بتساعدي !
شوفتي منه غدر ولسه ضله بتتمني!
حتى بعد غدره عشقه في قلبك بيغني!
ياريته قَدر حبك ومكنش في طعنه بيعَليّ
شاف غيرك ما انتِ خايبة وفي حبه بتغَليّ
لقى غيرك بنت واعية وبسرعة تعرف تِغري
بس مش طيبة زيك دا اللي زيك راح بدري
ياريتك كنتِ زكية ومحبتيش اللي بيرمي
سهل الغدر عنده وسهل في قلبك يِمحي
شوفتي منه أذية ولسه انتِ بتسامحي !
ياريته قَدّرِك وقال أصون اللي بتصوني
بس أهو غدر بيكِ ياريتك مقولتي سندي
جه الغدر وانتِ قلبك تحت رجله بترمي
داس على قلبك مش ده اللي قولتي حُبي
شاف عيون غيرك وانتِ كنتِ لعيونه بِتغَني
وكنتِ سنده وعكازه ودلوقتي تقولي آه مني
ياريت شوفتي غدره بدري قبل متقولي دمرني
آه لما تجي الخيانة لقلب صان والتاني يرمي
طعنة الغريب مش زي اللي في الروح بيسكُني
رماكِ في بحر غدر وتجي تقولي الغدر بيرعبني
وحتى بعد اللي عمله فيكِ لسه انتِ بتسامحي!
عبيط طبعك تحبي في واحد وتقولي بيخوني!
للدرجة دي قلبك عشقه وعلشان عيونه بيعدي!
ياريته يصونك بقا وطبعه ميرجعش للغدر يِوَدي
بس احذري منه دا اللي طبعه خاين سهل يرمي
متجيش تعيطي بعدين وتقولي رجع تاني كسرني
ما هو اللي يوثق في خاين سهل عليه يوجعني
نفسي أفهم ليه بعد غدر ده لسه انتِ بتسامحي !
صعب الحب نفهمه وصعب الحبيب لحبيبه يعدي
انما انتِ لسه بتديله ثقة ولسه ليه يا بنتي بتحبي!
حُبك كبير بس ياريتك تجي في يوم تقولي صانّي
ياريته ما كان وجعك ولا خذلك ولا قولتي سندي
لسه بتشوفي عيونه حلوة ولسه انتِ بتسامحي!
