اليوتيوبر " ايه عبد الرحمن " اجمل محطات حياتي كانت صدفة
![](https://alkhabaralfawriu.com/storage/app/public/news/273i072l0hdKB0dgtLRJX9nUelEpt8QSSLbwJ6Sl.jpeg)
عالم السوشيال ميديا اصبح ملئ بكثير من النماذج التي نرى فيها النجاح والمثابرة ، وايه عبد الرحمن اليوتيوبر وصانعة المحتوى واحدة من هؤلاء الذين حصدو متابعة الكثيرين.
تقول " اية عبد الرحمن" عن مشوار حياتها انه سلسلة من الصدف والترتيبات الالهية لم يكن لها تدخل ولا تخطيط لحدوثها، حيث كانت.
اول صدفه: دخولي كليه الاعلام واتعرفت ع جوزي هناك وحبينا بعض واتجوزنا بعد التخرج
تاني صدفة : مجال شغلي مع اني اشتغلت حجات كتيره اوي بس مكنتش لاقيه نفسي ف اي حاجه منهم والحمدلله مجال السوشيال ميديا خلاني من المبدعين لاني حسيت اني حره مفيش ليا رئيس ف شغلي
لان اول ما اتخرجت حاولت اشتغل فالميديا لقيت الموضوع صعب ومحتاج واسطه، فكان طريق السوشيال ميديا هو الحل الأمثل والحمدلله الكل حبني اول مادخلت عالم الميديا
وتضيف " ايه " اول دخولي اليوتيوب ٢٠١٨، وايضا تجوزت ٢٠١٨، كانت سنه انجازات بالنسبة لي بعدها ب ٣شهور حصلت على ١٠٠ الف متابع ، واخذت الدرع الفضي ومكنتش مصدقه ان الناس دي كلها حبتني وبقي عندي متابعين كتير فالوقت القصير ده ، ولهذا كملت بعدها انستجرام وده برضه كان صدفه، فقد كنت مع اختي لشراء احتياجات زواجها ولم اكن اعلم ان فيه ربح نهائي، بعدها بقي يجيلي جيفتات من ناس عندها مشاريع خاصه وبرضه ف شركات بتكلمني بقي يجيلي هدايا وقتها انستجرامي لم يكن كبير تقريبا ١٥٠ او١٦٠ الف متابع، ووقتها الناس فضلت الريفيو يكون انستجرام بدل الفيس بوك الذي كلن وقتها نصف مليون لصفحتى والاكثر انتشار وهنا انقلب انستجرامي الشخصي لصفحة عمل والحمدلله ادي صدفه برضه كانت باب رزق ليا ولناس كتير
تؤكد " ايه عبد الرحمن " من سنة بدات فيسبوك بمحتوي ريأكت اجنبي والحمدلله ف ٦ شهور بقي عندي مليون ١٥٠ الف متابع وللان مش قادرة اصدق هذا النجاح المبهر وبعدها صادفت بنات كتير معندهاش فيسبوك وعندهم رغبة يشوفو الرياكت لانه محتوي كوميدي وقالولي نزليه على تيك توك او انستا و حاليا بدات انزل ع تيك توك والحمدلله ده اخر حاجه بدات فيها وبقي عندي في هذة اللحظة ٢٠٠ الف متابع وطبعا اتعرفت اكتر وبقيت اطلع في لقاءات تليفزيونيه وايضا صحافية
وتؤكد " اية عبد الرحمن " انها مدينة بالشكر والعرفان لزوجها ووالدها اكبر الداعمين لمشوارها في عالم السوشيال ميديا فقد كانو لها الظهر والسند