تصريحات حول واقعة صفع عمرو دياب لمعجب
قال سعد أسامة، الشاب "المصفوع" في واقعة عمرو دياب إنه مدمر تماما بسبب الأزمة التي حدثت مساء الجمعة الماضية خلال حفل زفاف.
وأضاف سعد : واللله لا بنام ولا بأكل ولا بشرب ولا أي حاجة، يعني نفسيتي تحت الصفر، مش عارف أنام، أنا مش عارف أتنفس، اللي حصل حاجة غير طبيعية، وانت أصلا كنت في حالك، الحمدلله على كل حال".
وأوضح الشاب: أنا أعمل في مجال الأفراح منذ فترة، وكان عندي فرح في المنيل بأجر أعلى، لكني ذهبت لفرح سعدي وعامر، بسبب وجود عمرو دياب.
وعن اتهامه بشد الفنانين والمطربين من أجل التصوير معهم والفيديوهات المنشرة بشأن هذا، قال الشاب: كل شيئ باين في الفيديو وأنا رافع التليفون فوق خالص، يعني باين إني قبل ما أدخل لك عامل حسابي أتصور، التليفون أصلا مرفوع عشان الدنيا تبقى جاهزة أخد السيلفي وأمشي، لو قاصد حاجة تاني مكنتش أصلا طلعت، أنا متصور مع عمرو دياب قبل كده وكنت من الفانز بتوعه.
وعن محاولة الهضبة التواصل معه للصلح قال سعد: نعم حاول التواصل معي.
وبشأن إمكانية الصلح مع الفنان عمرو دياب: لأ.
وعن طلباته بعد رفع دعوى قضائية، قال الشاب المصفوع: أنا عايز أخد حقي، لازم كرامتي ترجع، ولا أنظر لأي تعويض مادي ولا تشغلني ولا تهمني، أنا قدمت توكيلا لمحام من أجل تولي القضية.
