من قرية فى الصعيد لمهرجان " كان "

أول فيلم مصري في تاريخ مهرجان كان يفوز بجائزة العين الذهبية وهو فيلم وثائقي .الفيلم المصري "رفعت عيني للسما" فاز بجايزة العين الذهبية لأفضل فيلم تسجيلي بمهرجان كان السينمائي الدولي، في دورته الـ ٧٧، وبقى أول فيلم مصري يفوز بالجايزة من وقت تأسيس المهرجان.

الفيلم من إخراج الزوجين ندى رياض وأيمن الأمير، وبطولة فريق مسرح بانوراما برشا، ماجدة مسعود وهايدي سامح ومونيكا يوسف ومارينا سمير ومريم نصار وليديا هارون ويوستينا سمير مؤسسة الفريق وإنتاج شركة فلوكة فيلمز.

وبتدور أحداث الفيلم عن مجموعة من البنات اللي قرروا يأسسوا فرقة مسرحية ويعرضوا مسرحياتهم المستوحاة من الفلكلور الشعبي الصعيدي، في شوارع قريتهم "البرشا" في محافظة المنيا؛ عشان يسلطوا الضوء علي قضايا زي الزواج المبكر والعنف الأسري وتعليم البنات، ويتكلموا عن أحلامهم البسيطة.

وقدر المخرجين ندى رياض وأيمن الأمير على مدار ٤ سنين إنهم يوثقوا رحلة البنات ويكتشفوهم أكتر.

وسبق وحاز الفيلم على استقبال حافل في عرضه العالمي الأول بمسابقة أسبوع النقاد بمهرجان كان، بحضور مخرجين الفيلم وفريق العمل وبطلات الفيلم من فريق بانوراما برشا، وحصل على إشادات نقدية محلية وعربية وعالمية زي اللوموند وفرايتي وسكرين دايلي. 

" رفعت عينى للسما " هو الفيلم المصري الوحيد الذى شارك فى اسبوع نقاد مهرجان " كان " والذى تم اختياره رسميا 2024 ، للمنافسة هذا العام مع ستة أفلام عالمية ،من الولايات المتحدة الأمريكية وفرنسا والبرازيل وبلجيكا وتوان .