شبنا قبل الأوان

 
 شبنا قبل الأوان ب أوان 
من هموم الدنيا وأحزانها

من بعد  الشباب  واللعب  
بقت الروس لابسه اكفانها 

ماتت الروح ف الجسد 
ماعادت  تشوف اخوانها 

تبكي العيون  واتنوح 
دوم علي  فراق  خلانها 

ياسلام  على الأحباب 
إللي راحت وراح سلامها 

ياما كانت تحلي العقدة 
بيهم  ويا محلى  كلامها 

فاكر لما كان ابوك يضحك 
تنسى الدنيا وتنسى ألامها

ولا أمك  وهي بتبكي 
لما ألمك يزيد  قدامها 

أيوه تمام والله أنا فاكر 
كيف أنسى اللمة وأيامها 

كنا  ف دار حلوه  صغيره
إشتقنا  والله  ل  حطانها

كانت  بعروق   وجريد 
مفتوحة  تملي  بيبانها 

 فيها زيرة وشوية كراكيب 
أحلى م القصور  ورخامها 

أتريها الدنيا مش بالكنوز
والبيوت ولاكترت أموالها 
 
الدنيا أحباب  من  حواليك
تحاديك  م الأيام  وافعالها 

إسمع .. بعد أمك وأبوك 
هتشوف الدنيا وأهوالها

هتقول  كان  عندك حق
ياريت الدنيا ترجع أزمانها