الأرز بالكبد والقوانص

الأرز بالكبد والقوانص مش هو الأرز بالخلطة
الأرز بالخلطة بيكون بكبد الفراخ فقط 
ومش بتدخل الكبده جوه الأرز وكمان 
بتكرمل له سكر علشان يأخذ لون
أما الأرز بالكبد والقوانص بيكون الكبد والقوانص 
جوه الأرز وبيكون له طعم ولون مخلتف 
هو فى تشابه شوية بس الطعم والشكل مختلف

المكونات

٢ كوب أرز مصري
نص كيلو كبد وقوانص 
بصله كبيرة ( مبشورة خشن )
مكعب مرقه دجاج 
٣ كوب شوربة فراخ ( مغلية )
نص ملعقة صغيرة فلفل اسود 
ملعقة صغيرة السبع بهارات 
ملعقة صغيرة قرفة ( ناعمة )
ملعقة كبيرة سكر 
زيت + سمنة 
نص كوب زبيب ( إضافتة حسب الرغبة )

للتزيين 

مكسرات أو سوداني ( محمصين واضافتهم حسب الرغبة )
بقدونس ( مفروم )

الطريقة 
فى حلة بها ماء مغلي وقليل من الملح والخل 
ننزل بالكبد فقط ( تسلق أقل من ربع ساعة وترفع فى ماء بارد )
وبعدها تقطع مكعبات صغيرة وتترك فى طبق
هنقطع القوانص ( مكعبات صغيرة ونضعها فى طبق لوحدها )

فى حلة كبيرة نضع الزيت و السمنة ( يسخنوا )
نضيف البصل والسكر نقلب البصل 
لغاية ما يأخذ اللون الأصفر  
ثم نضيف القوانص نقلب حتى يتغير لون القوانص 
ثم نضيف مكعب المرقة نقلب جيدا 
من ثم نضيف الكبدة والفلفل الأسود 
والسبع بهارات نقلب بهدوء 
ثم ننزل بالأرز المغسول نقلب كل المكونات بهدوء 
بعدين هانزل بشوربة الفراخ المغلية والقرفة 
اول ما شوربة تغلي نهدى النار ونغطى الحلة تماما 
لما الأرز يتشرب الشوربة نفتح الحلة ونضع الزبيب
على وجة الحلة ونغطي
ويترك علشان يكمل الأرز تسوية 
بعد تمام النضج 
نرفع الحلة وتترك حتى يهدى الأرز 
ثم نقلب الأرز بهدوء 
من ثم نغرف في طبق التقديم 
ثم يزين بالمكسرات والبقدونس المفروم 
ويقدم