مكونات الكنافه بالكريمه

المقادير :
للسيرب او الشربات :
2 كوب سكر
كوب و نص ماء
عصير ليمونه
الطريقه :
هنزل بالسكر و الميه و قلبهم شويه قبل ما احطهم من على النار عشان ميسكرش و بعدين احطو على النار اول لما يبدأ يغلي احط عصير ليمونه و بعدين اسيبو ييغلي على نار هاديه لمده ١٠ دقايق و اسيبو يبرد
مقادير الكنافه :
نص كيلو كنافه
كوب سمنه او زبده
نص كوب سكر بودره
الطريقه :
هنخلط الكنافه مع السمنه و السكر كويس اوووي و احط في الصينيه سمنه كتير برضو و افرض في الصنيه حوالي نص الكميه و بعدين اضغط عليها بالصينيه كويس لحد لما يبقي طبقه واحده و بعدين انزل بالكريمه و و احط اخر طبقه من الكنافه
للكريمه :
٢ كوب لبن
٣معالق كبار نشا
٢ معلقه كبيره كريم شانتيه
الطريقه :
هنزل بالنشا و الكريم شانتيه على اللبن و ادوبهم كويس قبل ما ارفعهم على النار عشان ميتكلكعش و اول لما يتقل شويه كده عشان ميبقاش تقيل اووي عشان هتتقل لما تبرد و احطها على الكنافه وهي سخنه ادخلها فرن سخن على ٢٠٠ لحد لما تاخد لون دهبي من الحرف نشغل الشوايه