المشبك السوري المقرمش بابسط المكونات
الشربات
٢ كوب سكر
كوب ونص مياه
نص عصير ليمون
ولو عندك معلقه من عسل الجلوكوز هضيفي معلقه
وترفعيهم ع النار من ٧ ل ١٠ دقيق
مقادير المشبك
٣ كوب سميد بسبوسه
نص كوب زيت
وتقلبي الزيت مع السميد كويس جدا وتغلفي حبيبات السميد ب الزيت كويس
بعدين تنزلي علي ب معلقه كبيره سكر
معلقه كبيره نشا لو انتي عايزه مقرمش
معلقه صغيره بيكنج بودر
رشه فانليا
نصف كوب دقيق ابيض جميع الأغراض
٢وربع كوب مياه دافيه
معلقه كبيره خميره فوريه
الطريقة
الكوب اللي عيرت بيه المقادير ٢٥٠ مللي
وتقلبي كل ده مع بعض بس متعجنيش غلط جدا العجن انتي هتقلبي حتي الحصول على عجينه لينه
تترك حتي الخمر مده نصف ساعه
وبعدين هتجيبي البلبه بتعت البيتفور وتحطيها ف اي كيس عندك بس يكون جامد شويه وتشكلي بي تعملي زي دوران كده ف قلب الطاسه
والزيت يكون سخن
مش بارد ولا وصل لدرجه الغلين كده المشبك هيخد لون وهيكون من جوه ني
وهتخرجي من الزيت ع الشربات والشربات يكون تقيل وبارد وتسبي ف الشربات حاولي ٣ دقايق وتخرجي وبالف هنا
