الحلم العربي أهـو عــاد
الحلم العربي أهـو عــاد هيصوا و افرحـوا يا ولاد
أهو راجــــع بالأمجـــاد هيخلي الفرحـــــــه تدوم
نتلــم عبيـــد و تنـــابله نظبـط وسطنـا ع القبله
نتـهشتك سوا ع الطبله نرقص ع التيك والدوم
ويدوم الحلم يدوم م العاشر للبدرومالحلم العــــــــربي ترند بقى واصل صيته الهنـد
إتغـر و راكبــــــه العنـد م الضــافر لـ البلعـــــوم
مع إنه ع الله حكايتـــه بس المنظره دي هوايتـه
لو بص فيوم ف مرايته هيطب ساكت ما يقــوم
ويدوم الحلم يدوم م العاشر للبدروم
الحلم العـربي شاويـش ما دخلـش نهائي الجيش
بيقـول بالعربي مفيـش بيقـول بالعبـري شـــالوم
إسألوا ع الحلم ده غزه على دم اخـــواته إتغــذى
يشــربه من غير المـزه علشان مش عايـــز لـوم
ويدوم الحلم يدوم م العاشر للبدروم
الحلم العربي ف غفلـه لو صحصح يعمــل قفـله
بيقضي الليل في الحفله و نهاره مقضيه نوم
رايق و مصفـــــي النيه بلا وحــده بلا وطنيه
دخل الجامعه العربيــه و اتخـرج ب الدبلــــوم
ويدوم الحلم يدوم م العاشر للبدروم
الحلم العــربي ماجـاش مرمي ف غرفــة إنعاش
لاهو لاقي قطن وشاش و لا لاقـي الميكـروكروم
مسكين كان نفسه يعافر غلبان وملوهش حوافر
حالته دي تصعب ع الكافر و الفرس و أهل الـروم
ويدوم الحلم يدوم م العاشر للبدروم
الحلم العـــــربي إتهــان ب إيدين عربيــه و هان
بينـام بالليـــــل عـريان غلبان مش لاقي هدوم
بقي وحياة ربي كابـوس و اللي بيحلمـه ملبـوس
و بينخـر فيه الســوس و بينعــق فيـه البــــــوم
حطــــولوا الســـم ف يــــوم
و أهو مات يا حرام مسمـوم
فا ادعـــــوله ياناس بالرحمه
في صلاتكم وقت الصـــــوم
و يـــــدوم و إزاي هيـــــدوم
مــن بٕعــد مـا بقــى مرحــوم
