تحدثت الفنانة يسرا اللوزي عن فكرة الاستقلال المادي للمرأة وأهميته في حياتها.
وأوضحت يسرا اللوزي أنها تحترم اختيار كل امرأة، فالبعض يختار أن يترك العمل ويتفرغ لتربية الأسرة وهناك من يحاول أن يجد توزان بين العمل والمنزل.
وأكدت يسرا اللوزي في حوارها ببرنامج “كلمة أخيرة” أن الاستقلال المادي مهم لكل امرأة قائلة: “الاستقلال المادي مهم في حياة أي ست، مش علشان أنها تطلق وتقدر تعيش لكن كمان بسبب الكوارث اللي ممكن تحصل في العائلات مشكلة في الورث بين الإخوات كل واحدة تبقى شايلة فلوس مش لازم حد يبقى عارف عنها حاجة، أنا مبعملش كده كان نفسي، أتمنى الناس اللي حاسه أن ممكن تبقى في خطر تعمل كده”.
وعن فكرة الطلاق وهل على الأب والأم التضحية من أجل سعادة الأبناء قالت يسرا اللوزي: “إحنا بنضحي عشان أولادنا أكيد لكن لما بنوصل لمرحلة الأب أو الأم يحسوا أنهم مش عايشين لما تبقى مكتئب ومش قادر تاخد بالك من ولادك أنت كده بتضر أولادك أكتر الطلاق مش حاجة كويسة لكن في بعض الأحيان ضروري عندي أصحاب كتير متطلقين وبقوا أحسن وبيتعاملوا مع بعض باحترام، الموضوع بيرجع أن الشخص هيتعامل مع الموقف إزاي أي اتنين ممكن يتطلقوا لكن المهم هيتعاملوا مع بعض إزاي”.
يذكر أن يسرا اللوزي شاركت في موسم رمضان 2026 بمسلسل “كان ياما كان”.
“كان ياما كان” مسلسل دراما اجتماعية، يشارك يسرا البطولة النجم ماجد الكدواني من تأليف شيرين دياب وإخراج كريم العدل وإنتاج ماجيك بينز للمنتج أحمد الجناينى وبطولة عارفة عبد الرسول وريتال عبد العزيز
