حجم الخط:
ازاى شمس الحُب تغيب؟َ! ** رمز الوحدة هلال صليب
شوف الجامع جنبه كنيسة ** طوبة بطوبة بشكل عجيب
احنا الشَّعب نسيج متماسك ** شارب كاس الحُب نصيب
أحمد لو ينده هيلاقي ** جرجس جاله بسرعة مجيب
جرجس لو يصرخ م الشوكة ** يلقى محمد جنبه قريب
ازاي شمس الحُب تغيب؟َ! **رمز الوحدة هلال صليب
اسأل كل تاريخ هيقولَّك **مصر حاميها المولى رقيب
مركب ماشيه لبَر أمان **موسى محمد عيسى حبيب
شوف الحُب بألوان ثابتة ** لو فنان أو كنت أديب
لمَّـا الرُّوح تتنفس حُب ** يبقى إزاي يفتنها غريب؟!
ازاى شمس الحُب تغيب؟َ! ** رمز الوحدة هلال صليب
*****
