كبسة الفراخ

المقادير:

- اوراك او فرخه كامله متقطعه على 4

-3 معالق كبار زيت

- معلقه كبيره زبده

-بصله مبشوره ناعم

-حبه طماطم متقطعه قطع صغيرة

-معلقه كبيرة صلصه

-معلقه كبيرة ثوم مفروم  

-ورق لورا

-3 فصوص حبهان

-4 حبه قرنفل

-3 قرفه عود

- 2 لمون مجفف

-معلقه صغيره بهارات كبسه

- ملح

-فلفل اسود

-معلقه صغيره بابريكا

-ربع معلقه صغيره كركم

-نص معلقه صغيره جنزبيل باودر

.

الطريقه :

في حله هنضيف الزيت و الزبده والبصل حتي يصبح لونه ذهبي ثم نضيف البهارات و ورق اللورا و القرفه و نشوحهم .

ثم نضع الفراخ ونقلبها حتي يحمر لونها ثم نضيف معلقه كبيره صلصه والطماطم و الثوم و نقلبهم ثم نضيف مياه ساخنه حتي تغطي الفراخ و نسيبها لحد ما تستوي .

ثم نرفعها من الشوربه ونترك الشوربه علي جنب بعد ما نصفيها لعمل الارز.

.

مقادير الأرز البسمتي :

-2 كوب ارز بسمتي مغسول

-معلقه صغيره بهارات كبسه

-نص معلقه صغيره كمون

-لمون 

- عود قرفه

.

الطريقه :

نضع 3 كوب ونصف شوربه ثم نضيف اليها القرفه و اللمون المجفف و البهارات والارز اول لما يبدأ يغلي نتركه علي نار هاديه لحد لما يتسوي.

.

صلصه لدهن الفراخ :

-معلقه كبيره صلصه

-4 معالق كبار زيت

-ربع معلقه صغيره كركم

-نص معلقه صغيره ملح

-نص معلقه صغيره فلفل اسود

الطريقه :

هنحط كل المكونات دي على بعض و نجيب الفراخ ندهنها بالخليط ده و ندخلها فرن ساخن على 200° تاخد لون

وتقدم فوق الارز