طريقة تدميس الفول فى المنزل

المقادير
نص كيلو فول بلدي
تلت معالق كبار من العدس الاصفر
بصلايه صغيره
ماء مغلي 
الطريقه
هنغسل الفول وننقيه من اي تراب أو حبات فول فاسده
نغسله كويس جدا عشان ساعات بيكون عليه مبيدات
ننقع الفول لمده اربع ساعات اقل حاجه لكن يفضل ليله كامله او ١٢ساعه بمعني اصح عشان الفول يكون طري وقشرته دايبه معانا وكمان صحيا افضل
بعد النقع نشطف الفول ونضعه في القدره أو الفواله ونضيف العدس والبصلايه ونغطيه بالماء المغلي بحيث تكون القدره تلتينها فول وونكملها كلها بالميه المغليه تمام 
نضع القدره أو الفواله علي عين القهوه والنار عاليه لحد ما تبدء تغلي وتفور نروح موطيين النار شمعه أو اقل كمان أقل نار تقدري توصلي البوتاجاز ليها
ونغلق القدره غلقا محكما جدااا عشان الفول يتكمر ويدوب خالص
بعد مرور ساعتين نفتح علي الفول ونبص عليه نشوفه لو محتاج ميه نزود ميه مغليه وهكذا كل فتره لحد ما يستوي تماما
الفول بيكون جاهز بعد اربع ساعات أو خمس ساعات لكن كل ما نسيبه اكتر هناخد نتيجه افضل
السر هنا بقا
العدس بيعلي القيمه الغذائيه وبيعزز اللون وبيعمل كماده ربط وبيعزز الطعم كمان
هتلاقي ناس بتضيف بابريكا أو صلصه عشان اللون أو فول مدشوش أو رز عشان القوام ف انتي ياست الكل الغي كل ده واستخدمي العدس وادعيلي
وبس  كدا هتكون عملت شويه فول عظمه ولا طماطم ولا نشأ ولا صلصه وممكن نلغي البصل عشان غالي